Менскае «Дынама» выпусціла футболку да 100-годдзя з дня нараджэння Пімена Панчанкі
1- 24.08.2017, 18:40
- 8,989
Народны паэт Беларусі часта наведваў матчы любімай футбольнай каманды.
Менскае «Дынама» падрыхтавала падарунак да 100-годдзя з дня нараджэння беларускага песняра, паведамілі Charter97.org у прэс-службе сталічнага клуба.
Менскі клуб перадаў футболку з прозвішчам народнага паэта Беларусі Пімена Панчанкі музею.
«Калі Пімен Емяльянавіч быў малады, хадзіў на матчы на стадыён. Нават калі ў Лондане быў, схадзіў на футбол. І на памяць ведаў, дзе, хто і як з кім згуляў. І асабліва калі «Дынама» (Менск) выступала..., дзед не мог сядзець на месцы. Вельмі перажываў, хадзіў па хаце...», - падзяліўся ўспамінамі ўнук паэта Андрэй Панчанка.