25 красавiка 2019, Чацвер, 17:57
За нашу і вашу свабоду!
Рубрыкі

Новы дэкрэт аб «дармаедах»: Не працуеш - плаціш за паслугі

283

Як будзе працаваць абноўлены дэкрэт аб «дармаедах»?

Рэалізацыя норм абноўленага дэкрэта №3 «Аб папярэджанні сацыяльнага ўтрыманства» будзе ў кампетэнцыі мясцовых органаў улады. Пра гэта паведаміла журналістам міністр працы і сацыяльнай абароны Ірына Касцевіч пасля нарады ў Лукашэнкі, паведамляе БелТА.

«Дэкрэт №3 не касуецца, пры гэтым урад прапануе новыя падыходы для стымулявання занятасці насельніцтва. Акцэнт робіцца на органах выканаўчай улады на месцах. Перш за ўсё яны працуюць з працаздольнымі грамадзянамі ў плане актывізацыі стымулявання і садзейнічання занятасці. Усім, хто хоча і можа працаваць, органы выканаўчай улады павінны даць гэтую магчымасць і надаць садзейнічанне ў працаўладкаванні», - сказала Ірына Касцевіч.

Урад таксама прапануе рэалізаваць прынцып «не працуеш - плаціш за паслугі». «Гэта паслугі, якія сёння субсідуюцца з дзяржаўнага бюджэту. Пералік будзе вызначаць урад, цяпер ён працуе ў гэтым кірунку», - адзначыла міністр.

Іншымі словамі, мяркуецца, што працаздольныя грамадзяне, не занятыя ў эканоміцы, будуць аплачваць субсідаваныя за кошт дзяржбюджэту паслугі коштам, які забяспечвае кампенсацыю на іх наданне. Аднак усе варыянты, як будзе будавацца работа ў гэтым кірунку, яшчэ вывучаюцца. Да распрацоўкі гэтага пераліку паслуг далучацца і мясцовыя органы ўлады. Магчыма, яны канкрэтызуюць агульны пералік, прапанаваны ўрадам, для сваіх рэгіёнаў.

Для рэалізацыі такога падыходу да стымулявання занятасці насельніцтва будуць стварацца базы звестак з інфармацыяй аб родзе дзейнасці кожнага грамадзяніна. «Вы ведаеце, што да канца 2018 года стаіць задача стварыць Беларускую інтэграваную сэрвісна-разліковую сістэму - ID-карту. Атрыманне гэтай ID-карты і спалучэнне праз агульнадзяржаўную аўтаматызаваную інфармацыйную сістэму на ведамасныя базы звестак дазволіць убачыць чалавека: працуе ён сёння ці не. Калі не працуе, то дзяржава будзе ўжо зусім па-іншаму надаваць паслугі», - патлумачыла яна.

Нагадаем, сёння Лукашэнка заявіў, што новы дэкрэт аб «дармаедах» будзе гатовы да 1 кастрычніка.