Дзяржаўная завінавачанасць Беларусі вырасла да 39,8 мільярдаў рублёў

У ліпені дзяржаўная завінавачанасць павялічылася на 100 мільёнаў рублёў.

Паводле стану на 1 жніўня яна дасягнула 39,8 млрд. рублёў, паведамляе belmarket.by са спасылкай на Міністэрства фінансаў. З пачатку года дзяржаўная запазычанасць вырасла на 7,6%, або на 2,8 млрд рублёў.

Замежная запазычанасць Беларусі за ліпень не змянілася і склала 15,6 млрд даляраў. Павелічэнне замежнай запазычанасці будзе зафіксавана паводле вынікаў жніўня за кошт паступлення расейскага крэдыту на 700 млн. даляраў.

За сем месяцаў года Беларусь прыцягвала замежных дзяржаўных пазык на 2,57 млрд. даляраў, у тым ліку 1,4 млрд. за кошт еўрааблігацый, 600 млн. даляраў ад ЕФСР, 300,4 млн. даляраў ад урада і банкаў РФ, 176,6 млн. даляраў ад банкаў Кітая, 92,6 млн. - ад Сусветнага банка, 2,9 млн. даляраў - ад ЕБРР і СІБ.

За ліпень у краіну паступіла 170 млн. даляраў, у тым ліку 52,2 млн. даляраў ад урада і банкаў РФ, 93,1 млн. даляраў - ад банкаў Кітая, 22,2 млн. даляраў - ад Сусветнага банка.

За той жа перыяд Беларусь выплаціла 653 млн. даляраў замежных пазык, у тым ліку 226,8 млн. даляраў вярнулі ўраду РФ, 176,6 млн. даляраў - ЕФСР, 217,5 млн. даляраў - банкам Кітая, 31,2 млн. даляраў - Сусветнаму банку, 700 тыс. - ЗША, 200 тыс - ЕБРР і СІБ.

На працягу ліпеня Беларусь выплаціла 145 млн. даляраў запазычанасцяў і працэнтаў па іх, у тым ліку 44,1 млн. даляраў банкам і ўраду Расеі, і 100,3 млн. даляраў банкам Кітая.

Унутраная дзяржаўная завінавачанасць на 1 жніўня склала 9,5 млрд. рублёў. За студзень-ліпень 2017 года размешчана ўнутраных валютных дзяржаўных аблігацый для юрыдычных і фізічных асоб на суму 406,7 млн. даляраў ЗША. Кампенсавана валютных і рублёвых дзяржаўных аблігацый для юрыдычных і фізічных асоб на суму 897,9 млн. даляраў ЗША і 120,5 млн. рублёў.