Расейцы ў дзень выбараў: Пуцін - зло

Сёння ў РФ абвешчаны «адзіны дзень выбараў» у мясцовыя органы ўлады.

У 10 верасня праходзяць выбары розных узроўняў у 82 з 85 рэгіёнаў Расеі. Выключэнне склалі Санкт-Пецярбург, Інгушэція і Магаданская вобласць, паведамляе ТАСС.

Напярэдадні «выбараў» у некаторых рэгіёнаў РФ з'явіліся графіці, якія сведчаць пра сапраўднае стаўленне грамадзян да «нязменнага» кіраўніка іх краіны. Пра гэта ў сацсетках піша група «Казкі Пуціна».

«Хто сказаў, што ў Расеі няма актыўных людзей, якія думаюць і бачаць? Горад Туапсэ, 9 верасня 2017 года: заўтра тут будуць праводзіцца выбары дэпутатаў Заканадаўчага Сходу Краснадарскага краю шостага склікання.

А сёння жыхары горада з усмешкай чытаюць свежыя і праўдзівыя навіны аб «вялікім Уладзіміры свеце Уладзіміравічу», прадэманстраваныя ў выглядзе графіці ў публічных месцах», - напісалі ў групе.