Мэркель пра анэксію Крыма: Нельга мірыцца з несправядлівасцю

Канцлерка Нямеччыны выступіла супраць прызнання анэксіі Крыма.

Канцлерка Нямеччыны ў інтэрв'ю нямецкаму выданню Frankfurter Allgemeinen Sonntagszeitung раскрытыкавала заявы пра тое, што трэба прызнаць анэксію Крыма Расеяй, паведамляе gordonua.com.

Гісторыя вучыць, што нельга проста мірыцца з несправядлівасцю, адзначыла яна.

Канцлерка дадала, што калі чуе, што трэба прызнаць анэксію Крыма РФ, то думае: «што здарылася б, калі б да нас тады ў ГДР (Германская Дэмакратычная Рэспубліка, існавала да аб'яднання Нямеччыны ў 1990 годзе. - Заўвага.) Было такое стаўленне?»

Расея акупавала Крым і Севастопаль пасля незаконнага рэферэндуму 16 сакавіка 2014 года. Далучэнне паўвострава да РФ не прызнаецца Украінай і большасцю краін свету.

Кіраўнік Свабоднай дэмакратычнай партыі Нямеччыны Крысціян Лінднэр у пачатку жніўня заявіў, што пытанне анэксіі Расеяй Крыма неабходна часова «закапсуляваць» і спярша дасягнуць прагрэсу па іншых пунктах стасункаў з Масквой. Палітык таксама выказаў нязгоду з тым, што антырасейскія санкцыі могуць быць знятыя толькі пасля поўнага выканання Менскіх дамоўленасцей. З ягоных слоў, «станоўчыя прамежкавыя поспехі таксама трэба цаніць».