У ЗША зоркі шоў-бізнэсу за гадзіну сабралі $14,5 мільёна для пацярпелых ад ураганаў
4- 14.09.2017, 11:24
- 13,027
Дабрачынны марафон паказалі ўсе вядучыя тэлеканалы краіны.
Дабрачынны тэлемарафон у зборы сродкаў для пацярпелых у выніку стыхійнага бедства паказвалі ўсе вядучыя амерыканскія тэлеканалы, уключаючы ABC, CBS, NBC, FОХ, а таксама кабельныя сеткі, паведамляе ntv.ru.
Адкрыў марафон, трансляцыя якога вялася адразу з некалькіх студый у розных гарадах ЗША, Стыві Уандэр, які выканаў песню Lean on Me.
Выступалі таксама Ашэр, поп-спявачка Тэры Кэлі, Дэйв Мэцьюс. У тэлемарафоне, які доўжыўся гадзіну, таксама ўзялі ўдзел зоркі Галівуду Джордж Клуні, Том Хэнкс, Ніколь Кідман, Роберт дэ Ніра, Леанарда Ды Капрыа, Джулія Робертс, а таксама Беёнсэ, Джасцін Бібер, Барбра Стрэйзанд і іншыя прадстаўнікі шоў-бізнэсу. Яны выконвалі песні, выказвалі спачуванні сем'ям загінулых і пацярпелым, а таксама прымалі тэлефонныя званкі амерыканцаў.
Biggest US stars put on hurricane charity event https://t.co/TQ51xopxFT pic.twitter.com/p0XlyuAstm
— angel (@angelonpoint1) 13 сентября 2017 г.
Падчас гадзінны трансляцыі было сабрана больш за 14,5 млн даляраў. Збор сродкаў наважылі не спыняць і пасля заканчэння трансляцыі, таму сабраная ў выніку сума выявіцца большай. Сабраныя сродкі размяркуюць паміж некалькімі дабрачыннымі фондамі, якія займаюцца наданнем дапамогі пацярпелым у выніку двух разбуральных ураганаў. Многія са знакамітых удзельнікаў дабрачыннай акцыі ўжо зрабілі значныя ахвяраванні і цяпер заклікалі амерыканцаў рушыць услед свайму прыкладу.
Нагадаем, «Харві» абрынуўся на штат Тэхас у ноч на 26 жніўня. У выніку ўрагану і выкліканых ім маштабных паводак загінулі не менш за 70 чалавек. Ураган «Ірма» дабраўся да Фларыды 10 верасня, выклікаўшы да гэтага маштабныя разбурэнні на розных астравах і тэрыторыях Карыбскага басейна. Ахвярамі гэтага ўрагану, паводле апошніх звестак, уважаюцца 55 чалавек. Не выключана, што гэтая колькасць будзе значна большай.
Hand in Hand telethon raises more than $14 million in the first hour for hurricane survivors: https://t.co/wPCK1BGQ5G #HandInHand pic.twitter.com/mHHPyGHOdS
— Good Morning America (@GMA) 13 сентября 2017 г.