Trubetskoy прэзентаваў кліп на песню «Кіці»

Інтрыга палягае ў тым, што гэта - толькі першая серыя музычнага «дыптыха».

Гурт Trubetskoy прэзентуе новае відэа на песню «Кіці», якую музыкі прадэманстравалі ў свой трэці Дзень нараджэння 1 верасня. Кліп, зняты аўтарам шэрагу ролікаў для расейскіх поп-зорак Хіндрэкам Маасікам, уяўляе сабой першую серыю дыптыха, паведамляе euroradio.fm.

«Гэта дыптых, які складаецца, умоўна кажучы, з двух кліпаў, дзе другое відэа - прадаўжэнне першага. «Кіці» напісаная маладым аўтарам з Калмыкіі Русланам Дэ. Другое відэа з'явіцца восенню», - распавядае прадусар гурта Яўген Калмыкоў.

Не так даўно Trubetskoy абвясціў пра рэбрэндынг.

«Напэўна, правільна гэта называць поп-рок, - характарызуе новы стыль «Трубяцкога» Калмыкоў. - Новы альбом каманды пішацца ў такім ключы».