Пад Мазыром самалёт спікіяваў у сасновы лес
8- 18.09.2017, 12:16
- 28,232
На борце знаходзіўся 49-гадовы пілот і яшчэ адзін чалавек.
У Мазырскім раёне ў лесе здзейсніў вымушаную пасадку звышлёгкі самалёт Х-32 «Бекас».
Як інфармуе прэс-служба МНС, здарэнне адбылося раніцай 17 верасня. Самалёт здзяйсняў палёт над Бакоўскім лясніцтвам (займаўся апырскваннем лясоў) і праз імклівае змяненне кірунку ветру быў вымушаны пайсці на пасадку ў лесе.
У той момант ён быў на 15 метраў над дрэвамі. На борце знаходзіўся 49-гадовы пілот і адзін пасажыр, яны не пацярпелі, патрэбы ў меддапамозе не мелі.
Самалёт атрымаў нязначныя пашкоджанні фюзеляжа і крылаў. Высвятляюцца прычыны здарэння. Самалёт давядзецца нейкім чынам транспартаваць з месца падзення на базу.