Стала вядома, што менавіта прынёс новы «дзед-падатак»

Апублікаваныя базавыя стаўкі адзінага падатку за дзейнасць для фізічных асоб.

Сталі вядомыя базавыя стаўкі адзінага падатку, якія будуць ужывацца для тыпаў дзейнасці без афармлення ІП, паведамляе tut.by.

Нагадаем, у Беларусі пашырылі спіс тыпаў дзейнасці, для заняткі якімі фізічным асобам не трэба рэгістравацца ў якасці індывідуальных прадпрымальнікаў. Змены прынятыя ўказам №337 «Аб рэгуляванні дзейнасці фізічных асоб», які сёння быў апублікаваны на нацыянальным прававым інтэрнэт-партале.

Ва ўказе гаворыцца, што абласныя і Менскі гарадскі «саветы дэпутатаў» устанаўліваюць стаўкі адзінага падатку за месяц у межах яго базавых ставак, прапісаных у дакуменце. У рэгіёнах цягам месяца пасля афіцыйнага апублікавання ўказа павінны ўстанавіць стаўкі адзінага падатку.

Да прыкладу, у Менску за рамонт абутку стаўка павінна быць у дыяпазоне ад 25 да 86 рублёў, а ў абласных гарадах - ад 20 да 86 рублёў. У кожным рэгіёне будуць устанаўліваць свае стаўкі штомесячнага адзінага падатку.

Пры гэтым сума ставак адзінага падатку не можа быць большай за верхнюю планку базавых ставак, устаноўленых указам, тлумачылі раней у МПЗ.

У МПЗ раней тлумачылі, што фізічным асобам, якія наважаць займацца дзейнасцю без афармлення ІП, патрабуецца напісаць заяву ў мясцовую падатковую інспекцыю. Пасля выплаты адзінага падатку яны змогуць пачаць працу.