«Мы ўсе - апазіцыя і вызначальная ўлада ў краіне»

21 кастрычніка на Плошчу ў Менску выйдзе нашмат больш беларусаў.

Карыстальнікі сацыяльных сетак абмяркоўваюць Марш абураных беларусаў 2.0.

Шмат хто згадвае акцыі, якія прайшлі ўвесну сёлета і выказваюць упэўненасць у тым, што восень будзе не менш гарачай.

Сайт Беларускага Нацыянальнага Кангрэсу падае толькі некалькі каментароў з супольнасці «Надакучыў нам гэты Лукашэнка» у сетцы «Аднакласнікі», прысвечанага Маршу абураных беларусаў 2.0, які пачнецца 21 кастрычніка а 14:00 на Кастрычніцкай плошчы Менска.

Дзяніс Сакалоўскі: Я з Гародні! І абавязкова прыеду і не адзін. Нязгодных у нашым горадзе процьма, але, што праўда, тых, хто не баіцца прыехаць, менш. Таму галоўнае не...! І нас будзе не сто чалавек.

Алена Шаціла: Улада ну вельмі баіцца абуранага народа. Годзе трываць і баяцца, пара пачаць сябе паважаць.

Андрэй Святлоў: Будзе на Плошчы незадаволеных нашмат больш. Людзі далей трацяць працу. Падманваюць усцяж ліпавымі заробкамі і ціснуць безупынным ростам коштаў. Летні сэзон скончыўся. Адных дармаедаў распладзілі паўкраіны. Хоча за шэлег працаўладкаваць. Дык нават гэтых шэлегаў не засталося. Чым плаціць за сіберную быдла-працу?

Мікалай Матусевіч: Людзі выйдуць - нават пенсіянеры і жанчыны. Абурэнне і злосць памнажаецца, і на ваша месца прыйдуць іншыя. Вы ж можаце сядзець дома і заняцца варэннем супу свайму сыну, ад гэтага ў цэлым нічога не зменіцца.

Пятро Глінскі: Калі табе нешта не падабаецца ў дзейнай уладзе - ты і ёсць апазіцыя. Мы ўсе апазіцыя, і гэта наша права, мы ёсць вызначальная ўлада ў краіне, у гэта трэба паверыць і не баяцца паставіць кропку ў гэтым пытанні. Разам - мы сіла і закон. Законы для народа, а не супраць народа на карысць абраных беззаконнікаў.

Анатоль Мядзведскі: За тымі [трэба ісці], хто не баіцца арганізоўваць такія маршы! За тымі, хто за змены рэальна, а не на кухні і ў інтэрнэце. У інтэрнэце таксама можа быць няблага. Але лепш - на плошчы. А калі вам не падабаюцца дзейныя лідэры апазіцыі, то гэта не значыць, што не трэба актыўна выступаць супраць дзейнай улады. Праблема новых лідэраў можа развязацца наступным чынам: падчас масавых выступаў народа выявяцца новыя людзі, здольныя весці за сабой і замяніць дзейных або ўстаць поруч з імі. А права выбару за вамі. А цяперашнім лідэрам трэба сказаць «дзякуй» за тое, што яны ўжо ёсць, за тое, што не сядзяць па норах, як некаторыя іншыя апазіцыянеры! Бо яны ж выступаюць за нармальныя, дэмакратычныя выбары ўлады, а не за захоп яе.

Яўген Зорын: Нарэшце хоць нейкая агітацыя пачалася. Я ўпэўнены, што сабраць патрэбную колькасць людзей - не праблема. Бо толькі адзіныя мы здолеем дасягнуць перамен.

Саша Аляксееў: Калі арганізатары наважылі правесці акцыю, то павінны максімальна сур'ёзна паставіцца да яе падрыхтоўкі. Больш агітацыі (улёткі ў кожную паштовую скрыню, налепкі і графіці па ўсім горадзе). Дакладнае тлумачэнне, чаго мы хочам ад гэтай акцыі, ад улады, навошта трэба выходзіць на плошчу. У дзень самай акцыі, перш чым расчацца з дзеяннямі, пачакаць, пакуль усе збяруцца на плошчу, а не сыходзіць праз 10 хвілін. Дзейнічаць больш цвёрда, радыкальныя, не баяцца! Тады будзе карысць.

Аляксандр Дземянчук: Калі ўзяць тых, хто едзе працаваць за мяжу, і вывесці на плошчу, тут бы за адзін дзень улада памянялася.