На свяце рамёстваў у Слуцку ўтварылася чарга па бясплатны хлеб
8- 23.09.2017, 20:23
- 17,827
Да рамеснікаў чэргаў не назіралася.
Пра тое, што ў горадзе свята, можна было зразумець праз металашукальнікі на плошчы і патрулі міліцыі ў цэнтры, піша «Салідарнасць».
Да рамеснікаў, якія прэзентуюць народныя промыслы на абласным свяце, чэргаў не назіралася. Случчакі разглядалі шэдэўры народных умельцаў, але партманэты даставіць не спяшаліся, больш за тое - нават коштаў не пыталіся, нібы трапілі не на кірмаш, а ў музей.
Затое народ тоўпіўся ля палаткі Слуцкага хлебазавода, дзе праводзілі майстар-клас па роспісу пернікаў і бясплатна частавалі хлебам! «На чарку і скварку ў людзей грошай няма», заўважыў адзін з гасцей свята.