МУС Украіны паказала Калінаўку пасля выбухаў на складах боепрыпасаў

Выбухі ў Калінаўцы пачаліся ўвечары 26 верасня.

Міністэрства ўнутраных спраў Украіны ў Facebook апублікавала відэа наступстваў выбухаў на складах боепрыпасаў у Калінаўцы Вінніцкай вобласці. На відэа - кадры з пашкоджанымі выбухамі дамамі горада. Паведамляецца, што праваахоўнікі працягваюць патруляваць Калінаўку.

На арсенале Узброеных сіл Украіны пад Вінніцай увечары 26 верасня адбылося надзвычайнае здарэнне, пачалі ўзрывацца набоі.

Паветраную прастору ў зоне выбухаў над Калінаўкай Вінніцкай вобласці ў радыусе 50 км закрылі. Зменены графік руху 47 цягнікоў. Паводле звестак Дзяржаўнай службы ў надзвычайных сітуацыях, з зоны НЗ эвакуявана 30 тысяч чалавек. Паводле інфармацыі ДСНС, пацярпелі два чалавекі.

Са слоў прэм'ер-міністра Уладзіміра Гройсмана, надзвычайнае здарэнне адбылося праз «знешнюю прычыну». Вайсковая пракуратура адкрыла крымінальную справу па факце дыверсіі. Прэзідэнт Украіны Пятро Парашэнка склікае пасяджэнне Вайсковага кабінета праз выбухі на артскладах у Калінаўцы.

Сёння ў Генштабе заявілі, што інтэнсіўнасць выбухаў на складах боепрыпасаў у Калінаўцы паводле стану на 17.00 скарацілася да трох-чатырох у хвіліну.