У Менску на праспекце Дзяржынскага загарэўся грузавік

Аўтамабіль здолелі патушыць відавочцы здарэння.

Сёння раніцай на праспекце Дзяржынскага недалёка ад станцыі метро «Малінаўка» загарэўся грузавік, які ехаў з боку праспекта Любімава ў кірунку вуліцы Ясеніна ў другой справа паласе. Узгаранне здолелі патушыць відавочцы.

- Грузавік загарэўся пад 8:00. Кажуць, што былі непаладкі з рухавіком. Відавочцы хутка дапамаглі і змаглі патушыць аўтамабіль, - распавёў чытач onliner.by.

Старшая інспектарка ДАІ Маскоўскага раёна Любоў Трапашка пацвердзіла, што ўзгаранне патушылі відавочцы.

- Аўтамабіль знаходзіўся ў другой паласе праспекта. У сувязі з гэтым рух у гэтым кірунку быў крыху абцяжараны да таго часу, пакуль аўтамабіль не прыбралі з праезнай часткі, - распавялі ў Дзяржаўтаінспекцыі.

У МНС нагадваюць аб тым, што ў першую чаргу ў выпадку ўзгарання аўтамабіля трэба паклапаціцца пра бяспеку людзей. Калі бачны слабы дым, то можна паспрабаваць патушыць аўто самастойна. Трэба адключыць клемы акумулятара і не дапускаць імклівага прытоку кіслароду (наросхрыст адкрываць дзверы або капот нельга). Затым варта выкарыстоўваць вогнетушыцель.

Але калі гаворка ідзе пра моцнае ўзгаранне, то трэба выклікаць прафесіяналаў, значыць тэлефанаваць на «101», а найперш адвесці людзей падалей і самому адысці на бяспечную адлегласць. Заўсёды існуе рызыка выбуху, асабліва калі гаворка ідзе пра аўто з газавым абсталяваннем.