«Зямля сыходзіць з-прад ног»: як пераследуюць уладальніка супермакетаў

У офісах кампаніі, якой належыць сетка супермаркетаў, прайшлі ператрусы.

- Работы мы былі пазбаўленыя 10 студзеня, 11-га давялося працаваць у падвойным аб'ёме. А дзень страты адгрузак - гэта таксама немалыя страты. Але лепш страціць частку, чым пазбавіцца ўсяго, - кажа ў інтэрв'ю kp.by супрацоўнік кампаніі «НП-сэрвіс», якую СК падазрае ва ўхіленні ад выплаты падаткаў. - Падчас ператрусу ў офісе звярталіся з намі гранічна ветліва. Але глеба сыходзіць з-пад ног праз разуменне, што ты ў адну секунду можаш апынуцца беспрацоўным разам з вялікай колькасцю калегаў. Беразоўскі (заснавальнік кампаніі. - Рэд.) сабраў вакол сябе каманду найвышэйшых прафесіяналаў. Слабыя і лянівыя ў нас не затрымліваюцца, застаюцца моцныя, разумныя і працавітыя. Вось на чым стаіць наш бізнэс - на людзях.

Са слоў суразмоўцы, у найбліжэйшыя дні выстаўленую прэтэнзію (блізу 1 млн. даляраў) кампанія аплаціць, пасля гэтага рахункі павінны размарозіць.

Нагадаем, следчы камітэт пачаў крымінальную справу ў дачыненні да аднаго з кіраўнікоў буйной кампаніі за ўхіленне ад выплаты падаткаў у асабліва буйнай суме.

- 10 студзеня рамкі расследавання крымінальнай справы супрацоўнікамі ГУБАЗіК МУС былі праведзеныя ператрусы ў офісных памяшканнях кампаніі, - пракаментаваў афіцыйны прадстаўнік Следчага камітэта Сяргей Кабаковіч. Ён адзначыў, што СК прымае ўсе меры з улікам канкрэтнай следчай сітуацыі для забеспячэння бесперабойнай працы кампаніі.

Гаворка ідзе аб фірме «НП-сэрвіс» - гэта найбуйнейшы імпарцёр прадуктаў харчавання ў Беларусі. Кампаніі належыць сетка крам «Домашний» - у Беларусі адкрыта больш за 50 гэтых супермаркетаў. Заснавальнік «НП-сэрвіс» - бізнэсовец Іван Беразоўскі. Гэта ўказана ў справаздачы кампаніі, якая знаходзіцца ў адкрытым доступе на сайце. З 2014 года пад кантролем Бярозаўскага знаходзіцца і ўніверсам «Цэнтральны» ў Менску.

Кампанія «НП-сэрвіс» працуе на рынку прадуктаў харчавання з 2000 года. Акрамя таго, больш за 10 гадоў «НП-сэрвіс» працуе на рынку камерцыйнай нерухомасці. Ва ўласнасці фірмы - блізу 100 тысяч м² нерухомасці ў Менску, Гомелі, Віцебску, Магілёве, Горадні, Полацку, Бабруйску.