Відэафакт: У Менску кіроўца-іншаземец пашкодзіў машыну ДАІ

Інспектар нават схапіўся за галаву.

З'явілася відэа ДТЗ, якое здарылася 16 студзеня блізу 10:00 на праспекце Дзяржынскага побач з плошчай Багушэвіча ў Менску, піша onliner.by.

Аўтамабіль Audi сутыкнуўся з нерухомым Opel Дзяржаўтаінспекцыі. Здаецца, кіроўца Audi не зразумеў указанняў супрацоўніка ДАІ, які знаходзіўся ў гэты момант на праезнай частцы па-за сваім аўтамабілем.

На запісе відаць, што аўтамабіль ДАІ з уключаным выблісковым маячком сіняга колеру знаходзіцца ў адной з палос руху на праспекце Дзяржынскага. За гэтай машынай стаіць Audi. Супрацоўнік Дзяржаўтаінспекцыі размяшчаецца збоку ад гэтых аўто. Мяркуючы з жэстаў, ён спыніў кіроўцаў, якія рухаліся першай паласой, і паказаў кіроўцу Audi, каб той аб'ехаў службовы аўтамабіль справа. Але Audi не рухалася. Тады інспектар паказаў рукою направа. Нічога не адбылося.

Затым ён накіраваўся ў бок нерухомага аўто. Прыкладна ў той жа момант гэтая машына паехала, але кіроўца Audi з нейкай прычыны паспрабаваў аб'ехаць Opel злева. Ён выехаў у суседні шэраг, дзе ў той момант рухаўся красовер. У выніку кіроўца закрануў службовае аўто.

Інцыдэнт пракаментавалі ў ДАІ Маскоўскага раёна:

- У паказаным месцы, дзе была пашкоджаная службовая аўтамашына, да гэтага адбылося сутыкненне таго ж аўтамабіля Audi і аўтобуса, у выніку якога транспартныя сродкі атрымалі нязначныя пашкоджанні. Кіроўца Audi ў тым выпадку парушыў правілы манеўравання пры перабудаванні. На месца прыбылі супрацоўнікі ДАІ, якія агледзелі месца здарэння, зрабілі неабходныя замеры.

З мэтай вызваліць праезную частку кіроўцу Audi было паказана ад'ехаць з месца ДТЗ на прылеглую тэрыторыю. Інспектар пры дапамозе рэгулявальных дзеянняў спрабаваў гарантаваць бяспеку дарожнага руху. Але кіроўца Audi з нейкай прычыны не зразумеў жэст рэгуліроўшчыка і паехаў наўпрост у іншы аўтамабіль, хоць адпаведна з сігналам яму было загадана рухацца ў першым шэрагу, а не ў трэцім, у якім знаходзіўся транспарт, - паведамілі ў Дзяржаўтаінспекцыі.

У службовага аўтамабіля пашкоджанае левае бакавое люстэрка задняга выгляду, а таксама лакафарбавае пакрыццё на крыле і дзвярах.

Паводле факта ДТЗ праводзіцца праверка.

У Дзяржаўтаінспекцыі распавялі таксама, што кіроўца Audi не з'яўляецца грамадзянінам Беларусі, а аўтамабіль аформлены на іншага чалавека.