МЭА абвінаваціла Расею ў невыкананні ўгоды з АПЕК

Дысцыпліна краін-удзельніц угоды аб скарачэнні здабычы нафты паступова падае.

Пакуль дзяржавы АПЕК перавыконваюць свае абавязанні, экспарцёры, якія не ўваходзяць у картэль, пампуюць больш адведзеных ім квот, паведаміла ў студзеньскім дакладзе аб рынку энэрганосьбітаў Міжнароднае энэргетычнае агенцтва, паведамляе finanz.ru.

У снежні, паводле звестак МЭА, 11 краін АПЕК, якія падпісалі нафтавы пакт з Расеяй, здабывалі штодня на 1,52 млн барэляў менш, чым у кастрычніку 2016 года, выконваючы ўгоду на 129%.

Адбіўся калапс нафтавай прамысловасці Венесуэлы, дзе здабыча абрынулася да 1,92 млн барэляў у дзень - мінімальны ўзровень за 30 гадоў, тлумачыць МЭА, а таксама той факт, што сябры АПЕК наважылі не «паварочваць вентыль», кампенсуючы правал венесуэльскіх паставак.

Краіны, якія не ўваходзяць у АПЕК той жа дысцыпліны не праявілі: у снежні яны здабывалі ў сярэднім на 20% больш, чым загадвае пагадненне.

Галоўным парушальнікам стала Расея, якая выканала сваю квоту толькі на 87%: здабыча ў РФ, паводле звестак агенцтва, была зніжаная толькі на 260 тысяч барэляў у дзень замест належных 300.

Казахстан і зусім занядбаў сваімі абавязкамі: замест скарачэння здабычы на 20 тысяч барэляў у дзень яе павялічылі на 11 тысяч пасля запуску найбуйнейшага ў краіне радовішча Кашаган.

У цэлым за год АПЕК выканала пагадненне на 95%, а краіны па-за картэлем - на 82%.

Тым не менш гэтага аказалася дастаткова, каб перавесці рынак у стан дэфіцыту: попыт перавышаў прапанову ў сярэднім на 420 тысяч барэляў у дзень. Запасы ў сусветных сховішчах скарачаюцца кожны месяц пачынаючы са жніўня і на 1 снежня апусціліся на 2,84 млрд барэляў.

Гэта правакуе рост коштаў, дазваляючы нафтавым эканомікам атрымліваць асалоду ад прытока валюты, але налета таго ж «свята» не будзе, папярэджвае МЭА.

Удар прыйдзе з боку попыту, рост якога замарудзіцца з 1,7 да 1,3 млн барэляў у дзень: развітыя краіны робяць стаўку на аднаўляльную энэргетыкі і электрамабілі, а Кітай можа скараціць закупкі ў стратэгічны рэзерв праз дарагоўлю барэля, тлумачыць агенцтва.

Увесь новы попыт пакрые «выбухны» рост здабычы ў ЗША, прагназуе МЭА. Тэмпы, з якімі Штаты нарошчваюць вытворчасць, павялічацца амаль удвая - з 0,75 млн барэляў у дзень летась да 1,35 млн сёлета, калі кошты застануцца вышэйшыя за 50 даляраў за бочку - такі, паводле ацэнкі агенцтва, сярэдні ўзровень бясстратнасці сланцавых свідравін.

У выніку ЗША абгоняць па здабычы нафту Саудаўскую Арабію і будуць саступаць толькі Расеі.