Генадзь Гудкоў: Кім Чэн Ын, Лукашэнка, цяпер мы яшчэ з самадурамі Ірана пасябруем
7- 2.01.2018, 21:48
- 51,396
Прыстойных людзей з ліку сусветных лідараў у Пуціна ўжо ў сябрах не засталося.
Палітык Генадзь Гудкоў на сваёй старонцы ў «Фэйсбуку» пракаментаваў заявы расейскага МЗС аб недапушчальнасці ўмяшання ў сітуацыю ў Іране.
«Расея проста «калекцыянуе» самых рэакцыйных лідараў усяго свету.
Мадура (Венесуэла); Мугабэ (Зімбабвэ, нядаўна мякка зрынуты); Кім Чэн Ын (Паўн. Карэя), дэспаты былых савецкіх рэспублік Сярэдняй Азіі, Лукашэнка, на чарзе - Эрдаган, што знішчае дэмакратычныя каштоўнасці ў Турцыі, Асад у Сірыі.
Прыстойных людзей з ліку сусветных лідараў у Пуціна ўжо ў сябрах не засталося: як той казаў, гэта - тэндэнцыя. З намі «сябруюць» тыя, з кім у свеце ніхто больш сябраваць не хоча.
Цяпер мы яшчэ з жорсткімі клерыкаламі і самадурамі Ірана пасябруем: поўны палітычны Паноптыкум. Наша МЗС ужо праяўляе кранальны клопат пра непахіснасць іранскага рэжыму, цяперашнія хваляванні разглядае як «выключна ўнутраныя справы Ісламскай Рэспублікі Іран». Як той казаў: «Скажы, хто твой сябар...»