Турэцкія танкі ўвайшлі ў сірыйскі Афрын

Турцыя пачала маштабную сухапутную аперацыю.

У другі дзень правядзення Турцыяй аперацыі «Аліўкавая галіна» супраць курдаў апазіцыйнае фармаванне «Свабоднае сірыйскае войска» ўвайшло ў Афрын і пачало шырокамаштабную аперацыю на сушы. Падтрымку ў наступе ім, паводле звестак вайсковых крыніц тэлеканала NTV, аказваюць турэцкія танкі (пераклад - rbc.ru).

Тэрыторыя гэтага рэгіёну занятая прадстаўнікамі сірыйскай курдскай партыі «Дэмакратычны саюз» (PYD) і Рабочай партыі Курдыстана (PKK). Абедзве Анкара ўважае «тэрарыстычнымі арганізацыямі».

Падчас наступлення сірыйская апазіцыя і турэцкія танкі, як удакладнілі суразмоўцы NTV, ужо знішчылі «артылерыйскімі стрэламі мэты на мяжы рэгіёну». Што менавіта яны ўяўлялі з сябе, крыніцы тэлеканала не ўдакладнілі. Раней 21 студзеня начальнік Генеральнага штаба Турцыі генерал Хулусі Акар заяўляў, што аперацыя «Аліўкавая галіна» будзе нацэленая выключна на «тэрарыстаў, іх прытулак, жыллё, зброю, інструменты і абсталяванне».

Стрэлы, як заўважае NTV, пры рэалізацыі гэтай аперацыі былі чуваць у тым ліку жыхарам памежнай лініі ад турэцкага раёна Кілісе да вобласці Хатай. Турэцкія танкі, як зазначылі суразмоўцы тэлеканала, хутчэй за ўсё, былі прыцягнутыя да ажыццяўлення аперацыі ў гарадах - у вёсках рэгіёну «супраціў» саюзнікам, па іх звестках, быў аказаны не так актыўна.

У цэлым жа аперацыя, як падкрэслілі вайсковая крыніцы NTV, «была ўважлівай у дачыненні да тэрытарыяльнай цэласнасці Сірыі».

Пазней інфармацыю пра пачатак Турцыяй наземнай аперацыі ў Афрыне пацвердзіў прэм'ер-міністр краіны Біналі Йылдырым, паведамляе мясцовая газета Milliyet. «Аліўкавая галіна», паводле ягоных звестак, будзе праводзіцца ў чатыры этапы. Падчас гэтай аперацыі, як удакладніў Йылдырым, «будзе створана 30-кіламетровая зона бяспекі», а ўсе «тэрарыстычныя арганізацыі будуць знішчаныя».

Пры гэтым прадстаўнік «атрада народнай самаабароны» (YPG) - баявога крыла Курдскага вярхоўнага камітэта, які непасрэдна ўдзельнічае ў сірыйскім узброеным канфлікце - Бікурк Хасака заявіў Reuters, што мяжу Афрына турэцкія войскі не перасякалі. Паводле ягоных звестак, турэцкія вайскоўцы толькі «паспрабавалі» зрабіць гэта, але былі вымушаныя адступіць. Гэтыя звесткі агенцтву пацвердзіў іншы прадстаўнік YPG Нуры Махмудзі.

Вайсковая аперацыя Турцыі ў сірыйскім рэгіёне Афрын пачалася 20 студзеня. Пра яе пачатак тады абвясціў турэцкі лідар Рэджэп Эрдаган. Падчас свайго выступу ён раскрытыкаваў ЗША за тое, што яны аказваюць падтрымку сірыйскім курдам. Пасля Афрына турэцкія фармаванні плануюць перамясціцца ў рэгіён Манбідж, дзе маюць намер працягнуць «антытэрарыстычную аперацыю».

У Сірыі дзеянні Турцыі асудзілі, назваўшы іх «актам агрэсіі» і замахам на суверэнітэт краіны. Самалёты турэцкай авіяцыі войска Башара Асада абяцала збіваць.