Антон Кушнір здабыў срэбра ў Лэйк-Плэсідзе
1- 21.01.2018, 17:02
- 9,081
Беларус здабыў чарговую ўзнагароду этапу Кубка свету ў фрыстайле.
Чарговую ўзнагароду этапу Кубка свету ў фрыстайле (лыжная акрабатыка) напярэдадні Алімпійскіх гульняў здабыў беларус Антон Кушнір. Ён стаў другім на спаборніцтвах у амерыканскім Лэйк-Плэсідзе, паведамляе interfax.by.
Кушнір набраў 126,50 балаў. Пераможца - расеец Максім Бураў - здолеў выканаць свае скачкі на 128,51 бала. Наоя Табара з Японіі, які стаў трэцім, атрымаў ад арбітраў 119,46 балаў.
Яшчэ адзін беларус Максім Гусцік паказаў 6-ы вынік у фінале і не прабіўся ў суперфінал, дзе разыгрываліся ўзнагароды. На стадыі паўфіналу скончылі свае выступы Дзмітрый Мазуркевіч (выніковае 22-е месца) і Станіслаў Гладчанка (29-е месца).
Жаночы подыум у чарговы спаборніцкі дзень застаўся без беларусак. Ганна Гуськова набрала 4-ю суму балаў (86,80). А на п'едэстал падняліся кітаянка Меньтаё Сю (112,99) і дзве аўстралійкі - Лідзія Ласіла (93,76) і Лаура Піў (93,76).
Ала Цупер фінішавала 14-й і не прабілася ў фінал.
Наступнымі спаборніцтвамі для найлепшых фрыстайлістаў свету стануць Алімпійскія гульні ў Карэйскім Пхенчхане, якія пройдуць у лютым 2018 года.