Сабаленка страціла статус наймацнейшай тэнісісткі свету паводле версіі UTR
- 3.09.2026, 1:59
ФОТА: GETTY IMAGES
З беларускай параўняліся амерыканка Коры Гаўф і украінка Эліна Світоліна.
Беларуская тэнісістка Арына Сабаленка страціла абсалютнае лідарства ў сусветным рэйтынгу Universal Tennis Rating (UTR). Цяпер у яе такі ж паказчык, як у Коры Гаўф і Эліны Світоліны. Аднак першага месца ў галоўным прафесійным рэйтынгу яна не страціла: паводле версіі WTA беларуска па-ранейшаму застаецца першай ракеткай свету.
Паводле дадзеных рэйтынгу UTR Women, апублікаванага Sofascore, абноўленага 2 верасня, рэйтынг Сабаленкі складае 12,98.
У амерыканкі Коры Гаўф — таксама 12,98. Столькі ж у украінкі Эліны Світолінай. Следам ідзе Алена Рыбакіна з Казахстана — 12,96. Пятай ідзе Іга Свёнтэк з Польшчы — 12,95.
Яшчэ ў чэрвені Сабаленка займала першае месца ў UTR з паказчыкам 13,23. У сярэдзіне жніўня пасля турніру ў Таронта яе рэйтынг знізіўся да 13,07, і беларуску аперадзіла Марта Костюк — 13,08. Тады Сабаленка стала другой.
UTR адрозніваецца ад звыклага рэйтынгу WTA. Як тлумачыць сама сістэма UTR Sports, паказчык разлічваецца на падставе вынікаў нядаўніх матчаў: улічваюцца да 30 апошніх сустрэч за папярэднія 12 месяцаў, узровень суперніц і лік у матчах. Таму пазіцыі тэнісістак у UTR могуць істотна адрознівацца ад рэйтынгу WTA.
У афіцыйным рэйтынгу Жаночай тэніснай асацыяцыі сітуацыя іншая. Згодна з актуальным рэйтынгам WTA, Арына Сабаленка займае першае месца і мае 8575 ачкоў.
Другая — Алена Рыбакіна, у якой 8141 ачко. Далей ідуць Джэсіка Пэгула — 7265 ачкоў і Коры Гаўф — 6704 ачкі.
На сайце WTA профіль Сабаленкі таксама пазначаны як №1 сусветнага рэйтынгу. Па стане на 2 верасня 2026 года беларуска працягвае лідзіраваць у класіфікацыі асацыяцыі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
