Ад арыштаваных у Саудаўскай Арабіі прынцаў запатрабавалі $100 мільярдаў

90 чалавек ужо прынялі ўмовы і выйшлі на свабоду, 5 абдумваюць зробленую ім прапанову.

Як паведамляе агенцтва Bloomberg (пераклад - rbc.ru), прадстаўнікі ўладаў Саудаўскай Арабіі заканчваюць перамовы з прынцамі і мільярдэрамі, якія цягам апошніх месяцаў знаходзяцца пад арыштам у гатэлі «Рытц Карлтон» у Рыядзе. Паказваецца, што 90 чалавек ужо прынялі ўмовы і выйшлі на свабоду, 5 абдумваюць зробленую ім прапанову. Неахвотных плаціць (іх блізу 90) знаёмяцца з выстаўленымі абвінавачваннямі і рызыкуюць паўстаць перад судом.

Нумары ў гатэлі зарэзерваваныя да 14 лютага, аднак, як сцвярджае прадстаўнік уладаў, перамовы з арыштаванымі плануецца закончыць да канца студзеня. Усяго каралеўства мае намер атрымаць ад арыштаваных больш за $100 млрд, паказвае агенцтва.

Генеральны пракурор Саудаўскай Арабіі шэйх Сауд аль Маджэб у адказ на крытыку на свой адрас заявіў, што «наступіла новая эра барацьбы з карупцыяй». Канфіскацыя ў затрыманых грашовых сродкаў, нерухомасці і каштоўных папер з'яўляецца часткай гэтай барацьбы.

Усяго паводле антыкарупцыйнай справы былі затрыманыя блізу 350 чалавек. Некаторыя з іх хутка пакінулі «Рытц Карлтон» і былі пераведзеныя ў статус сведак паводле справы. Астатнім давялося стаць вязнямі гатэлю, у якім яны могуць карыстацца паслугамі дарагой рэстарацыі, фітнэс-клуба, SPA, а таксама боўлінга.

У мінулым годзе былі затрыманыя дзясяткі сямейнікаў каралеўскай сям'і - як дзейных, так і былых высокапастаўленых чыноўнікаў - у межах кампаніі ў барацьбе з карупцыяй. Сярод іх апынуўся ў тым ліку пляменнік караля Аль-Валід ібн Талал Аль Сауд, чыё багацце ацэньваецца на $16,8 млрд. За яго свабоду ўлады запатрабавалі блізу $6 млрд, сцвярджала выданне Wall Street Journal. Ці пагадзіўся бізнэсовец на гэтыя ўмовы, застаецца невядомым.

Аль-Валід праз кампанію Kingdom Holding Co валодае дзелямі ў Twitter, Citigroup, Four Seasons Hotels & Resorts. Рынкавы кошт холдынгу ацэньваецца на $8,7 млрд,

У канцы лістапада на волю выйшаў прынц Мітаб бэн Абдала, ён заплаціў у рамках пагаднення з уладамі больш як $1 млрд.

11 студзеня ўлады таксама заявілі аб тым, што бяруць пад кіраванне будаўнічы кангламерат Suadi Binladin Group, які належаў сваякам былога завадатара забароненай у Расеі тэрарыстычнай групоўкі «Аль-Каіда» Усамы бен Ладэна. Інфармацыі пра арышты яе прадстаўнікоў не паступала.