Akute прэзентавалі новы эксперыментальны сінгл «Усе песні спетыя»
- 22.01.2018, 17:36
- 7,321
Магілёўскія рокеры былі запісаныя без адзінага жывога інструмента.
Магілёўскі гурт Akute прэзентаваў свой новы сінгл. Электронная кампазіцыя "Усе песні спетыя" ўпершыню ў гісторыі калектыву была запісаная без адзінага жывога інструмента, паведамляе "Еўрарадыё".
"Мы даўно слухаем у тым ліку і такую, электронную музыку. Проста цяпер з'явіліся невялікія навыкі для яе напісання. Мы даўно гэтага хацелі, - распавядае вакаліст гурта Стас Мытнік.
- Нядаўна мне падарылі сінтэзатар, і я трохі ўцягнуўся ў напісанне такой музыкі. Так і з'явіўся новы сінгл, запісаны літаральна за некалькі хвілін".
(function() {
VK.Widgets.Playlist("vk_playlist_-7115114_1", -7115114, 1,'5e556ae893aee3934b');
}());
Са слоў музыкаў, у новым альбоме, які плануецца выпусціць сёлета, будуць спалучацца і звыклыя для Akute, і чыста электронныя кампазіцыі.
"У альбоме электроніка ў тым ці іншым выглядзе будзе прысутнічаць ва ўсіх трэках. Спачатку мы ўвогуле думалі зрабіць увесь альбом сінтэтычным, але наважылі пакінуць і жывыя інструменты. Таму, натуральна, будуць і гітары, і бубны, але таксама і чыста электронныя кампазіцыі".
Увесну Akute адпраўляюцца ў тур па Беларусі, які стартуе 8 сакавіка ў Менску і скончыцца 25 сакавіка ў Магілёве. Таксама канцэрты адбудуцца ў Віцебску, Берасці і Гомелі, пасля чаго гурт наведае Маскву і Санкт-Пецярбург.