Навукоўцы распавялі, як развіць сілу волі
- 24.01.2018, 16:51
- 14,033
Экспэрты з Універсітэта Ілінойса правялі даследаванне.
Сакрэт жалезнай сілы волі грунтуецца на веры ў тое, што яе запас невычэрпны. Людзям, якія ўважаюць сілу волі за абмежаваны рэсурс, трэба час на аднаўленне, піша orthodox.od.ua.
А тыя, хто ўпэўнены ў яе неабмежаванасці, могуць выконваць складаныя задачы без перапынку. Гэта паказала новае даследаванне, праведзенае ва Універсітэце Ілінойса.
У даследаванні ўзялі ўдзел больш за 1100 амерыканцаў і 1600 еўрапейцаў. Добраахвотнікі прайшлі тэст, прызначаны для ацэнкі сілы волі.
Даследаванне паказала: амерыканцам часцей патрабаваліся перапынкі пасля актыўнай разумовай дзейнасці.
Еўрапейцы ж былі гатовыя адразу перайсці да наступнай складанай задачы.
Так, амерыканцы, у адрозненне ад еўрапейцаў, уважалі ўласную сілу волі за абмежаваны рэсурс. Навукоўцы падкрэсліваюць, што сілу волі можна развіць. Дастаткова проста паверыць у яе неабмежаванасць.