Наталля Радзiна на тэлеканале «Дождь»: Лукашэнка баіцца новай хвалі народных пратэстаў

Галоўная рэдактарка Charter97.org Наталля Радзіна распавяла аб сітуацыі.

У Беларусі заблакавалі незалежны сайт «Хартыя'97». Сайт уключылі ў спіс абмежаванага доступу для правайдэраў на пастанову беларускага Міністэрства інфармацыі. Галоўная рэдактарка «Хартыі'97» Наталля Радзіна распавяла тэлеканалу «Дождь» аб сітуацыі, якая склалася.

ВІДЭА

Рэдакцыя «Хартыі'97» заклікала журналістаў, праваабаронцаў і сваіх чытачоў да салідарнасці і папрасіла распаўсюджваць інфармацыю аб блакаванні і пра спосабы яе абыходу. У яе заяве гаворыцца, што «Хартыя'97» - самы наведвальны незалежны сайт Беларусі.

Са слоў Наталлі Радзінай, 24 студзеня сайт быў заблакаваны Міністэрствам інфармацыі без якіх-небудзь тлумачэнняў. Прычынай яго блакавання яна назвала папулярнасць рэсурсу: блізу 3 мільёнаў чытачоў за месяц пры насельніцтве 9 мільёнаў чалавек.

На думку рэдактаркі, іх сайт заўсёды спрабавалі знішчыць, таму фактычна журналістам даводзіцца працаваць падпольна. Радзіна таксама адзначыла, што кіраўнік Беларусі Лукашэнка баіцца новай хвалі народных пратэстаў. «Блакаванне «Хартыі» можа быць выгаднае і Расеі», - дадала яна.

На заканчэнне Радзіна выказала здагадку, што блакіроўка іх сайта перакрывае Беларусі шляхі нармалізацыі стасункаў з Захадам, і дадала, што рэдакцыя прадоўжыць сваю працу.