УКБ падняў кошты ў самай таннай новабудоўлі ў Навінках

Забудоўнікі прапанавалі яшчэ 69 кватэр.

4 студзеня УКБ Цэнтральнага раёна апублікаваў у газеце «Звязда» праектную дэкларацыю аб самай папулярнай новабудоўлі на Выгоцкага і прапанаваў яшчэ 69 кватэр. Праўда, кошт за квадратны метр прыкметна адрозніваецца ад таго, дзеля якога людзі 18 дзён стаялі на марозе пад дзвярыма забудоўшчыка. Цяпер - ад 780 даляраў за «квадрат». Дом абяцаюць здаць ужо ў пачатку вясны, піша tut.by.

Дамовы пачнуць укладаць 10 студзеня ў офісе забудоўшчыка (вуліца Гвардзейская, 7). Усяго дольнікам прапанавалі 69 кватэр без аздаблення: 45 аднапакаёвых і 24 двухпакаёвыя.

Метр у аднапакаёвых кватэрах плошчай 40-42 квадратных метры каштуе ўжо 820 даляраў у эквіваленце. У папярэдняй дэкларацыі, нагадаем, метр у такіх кватэрах каштаваў 650-770 даляраў у эквіваленце.

Кошт «квадрата» ў двухпакаёвых кватэрах плошчай 63-68 квадратных метраў - 780 даляраў у эквіваленце. Для параўнання, у папярэдняй дэкларацыі, якая выходзіла 13 снежня метр у двухпакаёўцы лічылі па 620-740 даляраў.

І калі раней самая дарагая «аднапакаёўку» каштавала 31 тысячу даляраў, то цяпер будзе каштаваць амаль 35 тысяч даляраў.

З выхадам новай дэкларацыі змяніліся і ўмовы аплаты: калі раней трэба было ўнесці ўсю суму, то цяпер толькі першапачатковы ўнёсак памерам 50% кошту кватэры на цягам 15 каляндарных дзён. Астатняя сума аплачваецца штомесяц у адпаведнасці з графікам выплат.

Забудова на Выгоцкага (у раёне Навінак) – пераважна сацыяльная. Там будзе шэсць дзевяціпавярховікаў, у тым ліку пабудаваных для ільготнікаў, і арэндныя дамы. Дом, у якім стартуюць продажы, абяцаюць здаць ужо ў сакавіку.