Жыхароў Лондана шакаваў шыкоўны аўтакар Lamborghini
14- 6.01.2018, 13:00
- 25,849
У Лондане зафатаграфавалі аўтакар Lamborghini Huracan, пакрыты 1,3 мільёна крышталёў Свароўскі.
Аўтамабіль належыць дызайнерцы Дар'і Радзівонавай, піша Хроника.инфо.
Раней Радзівонавай належаў Mercedes-Benz CLS 350 папярэдняга пакалення, пакрыты адным мільёнам крышталёў Свароўскі.
Дэкорам аўтамабіля займаліся некалькі чалавек па 12 гадзін на дзень цягам двух месяцаў.
У выпадку з CLS на стразы разам з працай, са слоў Радзівонавай, было выдаткавана 35 000 фунтаў стэрлінгаў. Аўтамабіль быў прададзены на eBay за 154,6 тысячы фунтаў.
У колькі абышлася праца над Huracan, не ўдакладняецца.
Таксама ў Інстаграме Радзівонавай ёсць фатаграфіі Bentley Continental GT, часткова пакрытага стразамі. Так як нумары ў «Бэнтлі» і «Ламбо» аднолькавыя, магчыма, Continental таксама быў прададзены.