Юнкер: ЕЗ можа дамовіцца з Брытаніяй пра Brexit найбліжэйшымі тыднямі

Пытанне мяжы з Паўночнай Ірландыяй застаецца самым складаным і пакуль бакам не ўдалося дамовіцца.

Прэзідэнт Еўрапейскай камісіі Жан-Клод Юнкер уважае, што ўмовы выхаду Вялікабрытаніі з ЕЗ будуць узгоднены найбліжэйшымі тыднямі.

Пра гэта ён заявіў у інтэрв'ю французскаму выданню Le Monde, паведамляе eurointegration.com.

«Я хачу верыць, што мы можам прыйсці да пагаднення ў перыяд паміж маючым адбыцца на будучым тыдні самітам ЕЗ і наступным самітам, які, магчыма, пройдзе ў лістападзе. Таму нам неабходны істотны прагрэс, які мы можам улічыць на наступным тыдні», - сказаў Юнкер.

Ён пацвердзіў, што пытанне мяжы з Паўночнай Ірландыяй застаецца самым складаным і пакуль бакам не ўдалося дамовіцца.

«Але гэта не ЕЗ навязваў гэтую дыскусію брытанцам і ірландцам. Цяжкасці выкліканыя суверэннай пастановай Вялікабрытаніі ў гэтым пытанні. У любым выпадку, калі Ірландыя адмовіцца прымаць прапанаваныя рашэнні, мы не будзем заключаць пагадненне: Ірландыя - у першую чаргу», - сказаў ён.

Юнкер таксама пацвердзіў, што ЕЗ рыхтуецца і да варыянту выхаду Вялікабрытаніі з ЕЗ без пагаднення. «Зусім не таму, што мы гэтага хочам. Але кожная адміністрацыя ў прынцыпе рыхтуецца да таго, чаго яна хацела б пазбегнуць», - адзначыў ён.