Антон Сарока: Буду старацца даказваць сваю здатнасць

Беларускі футбаліст рады, што забіў гол у матчы з Люксембургам.

Нападнік зборнай Беларусі Антон Сарока падзяліўся меркаваннем пасля перамогі над камандай Люксембурга (1:0), апавёўшы ў тым ліку пра адаптацыю ў "Локерэне".

– Быў вельмі рады, што забіў гол. Сур'ёзна настройваліся на гэтую гульню. Добра, што перамаглі. І не важна, хто заб'е.

Фізічна адчуваю сябе вельмі добра. 10 дзён таму правёў цэлы матч на Кубак. Потым выходзіў на замену. У апошняй гульні клуба не ўдзельнічаў. Але нічога страшнага. Буду старацца даказваць сваю здатнасць. Я ехаў у "Локерэн", каб замацавацца. Думаю, з цягам часу ўсё прыйдзе.