Прафзвяз РЭП прабег міжнародны марафон пад бел-чырвона-белым сцягам

Актывісты прафзвязу РЭП з Берасцейскай вобласці ўзялі ўдзел у міжнародным марафоне, іх падтрымалі калегі.

7 кастрычніка ў Маларыце прайшоў міжнародны марафон, піша praca-by.info. У ім узялі ўдзел і сябры незалежнага прафзвязу РЭП, у тым ліку і Уладзімір Малей, прававы інспектар працы Берасцейскай вобласці. Свой прабег яны прысвяцілі прафзвязу РЭП.

Зінаіда Міхнюк, намесніца старшыні РЭП, так пракаментавала ўдзел у марафоне:

- Сем гадоў таму ў гэты дзень быў Народны Сход! Што ў гэтым годзе? Мы, актывісты Берасцейскага рэгіёну, выязджалі ў Маларыту на міжнародны марафон, каб падтрымаць нашых прафзвязных бегуноў! Яны самі зрабілі надпісы на футболках: "Салідарнасць" і эмблему РЭП.