Леанід Заіка: Лукашэнка і Пуцін - гэта два пенсіянеры

Беларускі дыктатар чапляецца за старое рукатворнае ўздзеянне на эканоміку.

Пра гэта кіраўнік аналітычнага цэнтра «Стратэгія» Леанід Заіка заявіў у інтэрв'ю «Белгазете».

- Сёння Пуцін праз дзяржпланаўскую метадалогію і інструменты прымушае Лукашэнку ісці ўжо ягоным сцэнаром развіцця. Памятаеце, як у 1998 годзе Лукашэнка хацеў ускочыць у Саюзную дзяржаву як яе правадыр? Не атрымалася. Прайшло 20 гадоў. Сёння прыкладна такі ж сюжэт, у тым ліку ў рамках эканамічнага аб'яднання, прапануе Пуцін.

- Не, ну што вы. Лукашэнка і Пуцін - гэта два пенсіянеры. Дарэчы кажучы, Пуцін - кандыдат навук, а Лукашэнка ніякай ступені не мае. Таксама, разумееце, нейкі ўціск правоў. Хаця не - ён ганаровы доктар Маскоўскага ўніверсітэта.

Таму нічога такоўскага. Пуціну Лукашэнка цяпер не патрэбны. Лукашэнка ніякіх новых тэарэтычных канструкцый не прапануе. Лукашэнка чапляецца за старое рукатворнае ўздзеянне на эканоміку. Ганяе людзей, па палях ездзіць, кажа, як гной трэба раскідваць. Сельская гаспадарка ў Расеі неяк абыходзіцца без пуцінскіх загадаў. Ездзіць Пуцін па палях?

Заіка ўзгадаў, як у 2000-х гадах Пуцін, натхнёны савецкай імперыяй, надзеў белы халат і паехаў у нейкай кароўнік:

- Там адное цяля ўгледзела яго і стала рукі яму лізаць. Як пісьменна паступіла цяля: убачыла прэзідэнта - і адразу аблізала. Гэта прыклад для ўсёй ягонай каманды. Дык вось, Пуцін па палях не ездзіць, не вырошчвае ў сябе на агародзе кавуны, бульбу не збірае, на трактары з касілкай не ездзіць.