У Італіі прайшлі маштабныя студэнцкія пратэсты
2- 16.11.2018, 17:45
- 9,547
На вуліцы выйшлі студэнты 70 гарадоў.
У Італіі студэнты выйшлі на вуліцы 70 гарадоў з патрабаваннем большага фінансавання адукацыі.
Пра гэта паведамляе ANSA (пераклад - «Новое время»).
Каардынатар Нацыянальнай сеткі студэнцкіх арганізацый Джакома Косу заявіў, што ад урада гучаць толькі абяцанні.
У Мілане студэнты арганізавалі марш No Salvini day (Дзень без Сальвіні). Яго мэта - адкрытая дыскусія з віцэ-прэм'ерам і кіраўніком МУС. Сярод тэм для абмеркавання яны прапануюць будаўніцтва новых школ і ўніверсітэтаў, бяспеку навучальных устаноў, закон аб бюджэце.
У Падуі студэнты яшчэ з мінулага вечара занялі будынак Дэпартамента палітычнай навукі ў знак пратэсту супраць палітыкі ўраду.
Пратэсты пакуль праходзяць мірна. Акцыі прадоўжацца і ў суботу.