Самалёт, які збіў чалавека ў Шарамеццева, сеў у Афінах з пашкоджаным фюзеляжам
2- 21.11.2018, 11:50
- 18,890
Лайнер сустрэлі паліцэйскія і супрацоўнікі наземных службаў.
«Боінг 737», які збіў чалавека пры вылеце з маскоўскага аэрапорта Шарамеццева, сеў у Афінах з пашкоджаным фюзеляжам, паведамляе «Інтэрфакс» са спасылкай на службы аэрапорта «Элефтэрыёс Венізелас».
Самалёт прызямліўся а 23:50 паводле менскага часу. Яго сустрэлі паліцэйскія і супрацоўнікі наземных службаў. Пры аглядзе на вонкавых элементах фюзеляжа выяўленыя біялагічныя сляды і пашкоджанні.
У аэрапорце дадалі, што праз пашкоджанні палёты гэтага лайнера пастанавілі часова скасаваць.
Што адбылося
Увечары 20 лістапада «Боінг 737», які вылецеў з аэрапорта Шарамеццева ў Афіны, збіў чалавека пры кіраванні на лётным полі. Самалёт не сталі вяртаць, бо ён не быў пашкоджаны.
Выясняются обстоятельства происшествия в аэропорту Шереметьево.
— Следственный комитет (@sledcom_rf) 20 ноября 2018 г.
По предварительным данным, сегодня около 20.10 при взлете самолета Боинг 737 «Шереметьево-Афины» одной из стоек шасси смертельно травмирован 25-летний мужчина.
На месте работают следователи и криминалисты СКР pic.twitter.com/qsH006sKPN
Са звестак «Інтэрфакса», загінулы - жыхар Арменіі, якога дэпартавалі з Мадрыда на радзіму з перасадкай у Маскве. Па дарозе з Гішпаніі ў Расею мужчына ўчыніў дэбош на борце лайнера.
