27 чэрвеня 2019, Чацвер, 4:10
Мы ў адной лодцы
Рубрыкі

Слава Рабіновіч пра выбары кіраўніка Інтэрпола: Пуцін і Пракапчук праляцелі, як фанера

7
СЛАВА РАБІНОВІЧ

Прэзідэнту РФ і яго бандытам зноў указанае іх месца.

Расеец Аляксандр Пракапчук прайграў выбары кіраўніка Інтэрпола праз дрэнную рэпутацыю РФ і яе прэзідэнта Уладзіміра Пуціна. Такое меркаванне для UAportal выказаў расейскі фінансіст і блогер Слава Рабіновіч.

«Пуцін і Пракапчук праляцелі, як фанера... І прычына гэтага вельмі простая. Яна апісваецца адным словам: «рэпутацыя». Большасць краін прагаласавалі за паўднёвакарэйца [Кім Чон Яна], а не за прадстаўніка Расеі, таму што цяпер ужо ўсім агульнавядома, што Расея злоўжывала і працягвае злоўжываць сваім сяброўствам у Інтэрполе, інтэрполаўскімі ордэрамі на арышт, у многіх выпадках пераследуючы людзей паводле палітычных матываў», - сказаў ён.

Блогер звярнуў увагу, што міжнародны ордэр на арышт («чырвоны цыркуляр») неаднаразова выпускаўся ў дачыненні да расейцаў.

«Гэта не што іншае, як тое, што называецца ангельскім словам «abuse» - «злачыннае злоўжыванне». Адпаведна, міжнародны ціск, заява расейскіх праваабаронцаў, заява сябраў амерыканскага Кангрэсу, справядлівыя пагрозы Украіны і Літвы ў прыпыненні іх сяброўства ў Інтэрполе ў выпадку абрання расейскага прадстаўніка кіраўніком Інтэрпола - гэта ўсё, напэўна, выканала сваю ролю ў галасаванні», - мяркуе Рабіновіч.

З ягоных слоў, «большасць краін свету з катэгорыі нармальных прагаласавалі супраць Расеі, за паўднёвакарэйца».

«Хацеў бы я бачыць прадстаўнікоў Расеі, расейскіх грамадзян на чале міжнародных арганізацый? Адказ: адназначна так, толькі не той Расеі, якую на міжнароднай арэне і ўнутры самой Расеі прадстаўляе пуцінская АЗГ, што незаконна захапіла ўладу і незаконна ўзурпавала яе», - заявіў блогер.

Ён адзначыў, што вельмі задаволены вынікам.

«Пуціну і яго бандытам зноў указанае іх месца», - сказаў Рабіновіч.

Сёння паўднёвакарэйца Кім Чон Яна абралі прэзідэнтам Інтэрпола тэрмінам на два гады.