Аўтобус з турыстамі з'ехаў у кювет пад Кобрынам

Некалькі чалавек атрымалі ўдары.

ДТЗ на трасе М12 адбылося 26 лістапада каля сямі гадзін раніцы. Аўтобус «Неаплан», якім кіраваў 42-гадовы жыхар Менска рухаўся з боку памежнага пераходу «Макраны» ў напрамку Кобрына.

У салоне аўтобуса знаходзіліся 47 чалавек - жыхары розных гарадоў Беларусі, якія вярталіся з экскурсійнага тура ў Львоў, паведамілі БелТА ва ўпраўленні ДАІ УУС Берасцейскага аблвыканкама.

Паводле папярэдняй інфармацыі, на 17-м кіламетры дарогі кіроўца не ўлічыў умовы надвор'я, праявіў няўважлівасць, адцягнуўся ад кіравання і з'ехаў у кювет.

Паводле непацверджанай інфармацыі, некалькі чалавек атрымалі ўдары. Аўтобус, які належыць аднаму з транспартных прадпрыемстваў Менска, атрымаў нязначныя механічныя пашкоджанні.

Праводзіцца праверка.