Шведскі фатограф зафіксаваў Мінск такім, якім яго яшчэ не ведалі

Унікальныя здымкі былі зробленыя паўстагоддзя таму.

Сайт citydog.io апублікаваў серыю здымкаў шведскага фатографа. Яны даўнавата блукаюць па інтэрнэце, але ў гэтым і сіла мастацтва: такія фота ніколі не страцяць актуальнасці.

Хто і калі зрабіў гэтыя здымкі?

Класік шведскай фатаграфіі Георг Одднер (1923–2007). У свой час ён быў джазавым музыкантам, а потым лёс занёс яго ў Нью-Ёрк у рэкламнае агенцтва — так ён стаў асістэнтам легендарнага Рычарда Аведона.

«[У 1940-я] я іграў у адным з найлепшых джазавых гуртоў Швецыі. У межах сваёй дзейнасці я сустракаўся з многімі цікавымі людзьмі і аднойчы пазнаёміўся з дырэктарам аднаго з рэкламных бюро. Ён прапанаваў мне паехаць разам з ім у Нью-Ёрк. І мы паехалі.

Я адшукаў Рычарда Аведона, пастукаў у дзверы, і, нягледзячы на тое, што мой англійскі пакідаў жадаць лепшага, ён прыняў мяне на пасаду свайго памочніка. Ён быў вельмі добры, шчодры адносна мяне. Ён знаёміў мяне з рознымі вядомымі людзьмі. Так я пачаў сваю працу з фотаапаратам.

Пэўны час я быў асістэнтам у Аведона, але потым вырашыў, што хачу вярнуцца ў Еўропу».

Швед па бацьку і рускі па маці, упершыню ён пабываў у Беларусі ў 1955 годзе, падарожнічаючы з групай турыстаў па СССР. У ягоным маршруце, акрамя сталіцы БССР, былі гарады Ашгабад, Алма-Ата, Брацк, Бухара, Валгаград, Данецк, Іркуцк, Кіеў, Масква, Навасібірск, Адэса, Растоў-на-Дону, Самарканд, Сочы, Талін, Ташкент, Тбілісі, Хабараўск, Ялта.

Другі раз ён быў у БССР у 1967 годзе — фатограф прабыў тут цэлыя тры месяцы: менавіта тады зрабіў серыю фотаздымкаў Мінска.

Апошні раз Одднер прыязджаў у Мінск у 2005 годзе, за два гады да смерці, на прэм’еру дакументальнага фільма пра сябе.

Мінск і мінчане — паўстагоддзя таму

Одднер фатаграфаваў звычайных мінчан на цэнтральных вуліцах, заводы, а яшчэ дзяцей — у звычайных дзіцячых садках і ў дзіцячых дамах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com