21 красавiка 2019, Нядзеля, 22:13
За нашу і вашу свабоду!
Рубрыкі

Кудрын прадказаў расейцам далейшае падзенне ўзроўню жыцця

3
ФОТА З САЙТА PROSTOINVESTICII.COM

Кіраўнік Падліковай палаты РФ зняпраўдзіў прагнозы ўрада краіны.

Прагнозы ўрада РФ аб тым, што прыбыткі насельніцтва вернуцца да росту пасля трох гадоў бесперапыннага падзення, сёлета могуць не апраўдацца.

Пра гэта ў чацвер заявіў кіраўнік Падліковай палаты РФ Аляксей Кудрын, выступаючы на пасяджэнні камітэта Дзярждумы ў фінансавых рынках, паведамляе finanz.ru.

«Чакалася, што сёлета ў нас будзе станоўчы рост (эканомікі) і будзе назірацца рост рэальных даходаў насельніцтва, - сказаў Кудрын дэпутатам. - Але цяпер мы бачым рызыкі, што яны будуць нулявымі ці нават адмоўнымі».

У 2019-м годзе паляпшэнняў таксама чакаць не варта, мяркуе кіраўнік СП: адаб'юцца дэвальвацыя рубля і новыя канфіскацыі ў бюджэт.

«І перанос курса на кошты, і павышэнне ПДВ, і павышэнне акцызаў на бензін, і рызыкі росту коштаў на бензін - гэта будзе ўплываць на стымулы для інвестыцый у частцы стрымлівання такіх інвестыцый, і рэальныя даходы насельніцтва», - цытуе Кудрына РІА Новости.

Нагадаем, рэальныя наяўныя даходы насельніцтва - гэта значыць сума за вылікам інфляцыі і ўсіх абавязковых плацяжоў, - аднавілі падзенне ў жніўні (на 0,9%). У верасні спад паскорыўся да 1,5% і стаў рэкордным з ліпеня мінулага года.

У выніку ўзровень жыцця прабіў «дно» крызісу, які Расстат фіксаваў ў снежні. Так, даходы верасня 2018 года апынуліся на 1,5% ніжэй за паказчык за верасень 2017 года, які ў сваю чаргу быў на 0,9% меншы за лічбы за верасень 2016-га.

У верасні 16-га расейцы аказаліся на 2,5% бяднейшыя, чым у тым жа месяцы 2015 года, калі іх даходы ўпалі на 4,7% у параўнанні з 2014-м.

Налета «зацягнуць паясы» давядзецца яшчэ на 2%, прагназуе галоўны эканаміст Альфа-банка Наталля Арлова.

Настолькі, паводле яе ацэнцы, скароціцца спажыванне праз павышэнне ПДВ і пенсіённага ўзросту. У суме гэтыя дзве рэформы забяруць з кашалькоў 800 млрд рублёў, падлічыла Арлова: на 500 мільярдаў рублёў падаражэюць прадукты і тавары, а 300 млрд - недаатрымаюць людзі, якія маглі б выйсці на пенсію.