Генпракурор напалохаў экс-кіраўніка Астравецкага раёна карупцыйнай справай
7- 12.12.2018, 21:07
- 16,870
Аляксандр Канюк распавёў пра праверку ў дачыненні да чыноўніка.
На пасяджэнні Гарадзенскага аблвыканкама ў пытаннях барацьбы з карупцыяй Аляксандр Канюк распавёў пра праверку ў дачыненні да чыноўніка.
- У якасці прыкладу генпракурор прывёў Астравецкі раён, дзе былы старшыня райвыканкама незаконна прадаў жылы дом, прыняў на працу сваіх блізкіх без неабходнай падрыхтоўкі, адукацыі і стажу працоўнай дзейнасці. Паводле гэтых фактаў праводзіцца праверка, - паведамляе сайт Генпракуратуры.
У пачатку 2017 года старшынёй Астравецкага райвыканкама стаў Ігар Шалудзін. Да яго на працягу 17 гадоў раёнам кіраваў Адам Кавалько - цяпер ён працуе «дэпутатам» «палаты прадстаўнікоў».