Давос выставіў Расеі пяць умоў

Расейскія алігархі трапляюць пад сур'ёзныя абмежаванні.

The Bell даведаўся, на якіх умовах Андрэю Косціну, Віктару Вексельбэргу і Алегу Дзерыпаску, якія трапілі пад санкцыі ЗША, дазволілі ўдзельнічаць у форуме ў Давосе. Іх усяго пяць, але, калі выконваць усе, на форум можна і не ехаць.

Дэталі. Умовы ўдзелу ў Давоскім форуме асоб, якія трапілі пад санкцыі, былі распрацаваныя ў пачатку снежня пры ўдзеле юрыстаў, распавялі The Bell дзве крыніцы, знаёмыя з сутнасцю прапаноў арганізатараў форуму. Сутнасць патрабаванняў яны апісваюць так:

Ніякія плацяжы, звязаныя з удзелам у форуме, ад расейцаў з санкцыйных спісаў не павінны праходзіць праз амерыканскія банкі.

Арганізатары павінны пераканацца, што грамадзяне ЗША - госці форума або людзі, якія маюць дачыненне да яго арганізацыі - не будуць узаемадзейнічаць з асобамі пад санкцыямі - пачынаючы ад пытанняў іх удзелу ў панэлях форуму, заканчваючы дапамогай у арганізацыі падарожжа, рэзерваванні гатэляў і арганізацыі двухбаковых сустрэч.

Для арганізацыі візіту ў Давосе расейцаў з санкцыйных спісаў не павінна быць выкарыстана амерыканская інфраструктура, уключаючы хмарныя сэрвісы або серверы, праз якія пры абмене электроннымі лістамі ідзе інтэрнэт-трафік.

Арганізатары форуму таксама не будуць дапамагаць удзельнікам, якія трапілі пад санкцыі, з арганізацыяй перамоў або бізнэс-сустрэч, з якіх тыя патэнцыйна могуць атрымаць выгаду.

Нарэшце, бізнэсоўцы, якія трапілі пад санкцыі, не змогуць удзельнічаць у аніводным з мерапрыемстваў, арганізаваных амерыканскімі грамадзянамі або ўладамi.

Прадстаўнікі ВТБ, Дзерыпаскі і Вексельбэрга ў выходныя тэму Давоса не каментавалі - нават пасля таго, як стала вядома, што іх усё ж такі чакаюць на Сусветным эканамічным форуме.

Кантэкст. У суботу крыніца ў расейскім урадзе распавяла, што арганізатары Давоскага форуму знялі абмежаванні, накладзеныя раней на расейскіх бізнэсоўцаў пад санкцыямі. У сувязі з гэтым расейскі ябізнэсоўцы ўсё ж адправіцца ў Давос, дадаў ён - склад дэлегацыі яшчэ будзе ўдакладняцца.

Самі арганізатары форуму ад асобы кіраўніка дырэктара WEF Алоіса Цвінгі ў паведамленні, на якое ў нядзелю спасылаліся РІА «Новости», заявілі, што «вітаюць удзел дэлегацыі з Расеі» і «распачнуць патрэбныя захады, каб забяспечыць легальнасць знаходжання на форуме расейцаў пад санкцыямі».

Гісторыя пытання. Сусветны эканамічны форум (ВЭФ) у Давосе пройдзе ў 20-х датах студзеня. У гэтым годзе арганізатары форуму адмовілі ва ўдзеле расейцам, якія трапілі пад санкцыі.

У лістападзе прэм'ер РФ Дзмітрый Мядзведзеў абвясціў аб магчымым байкоце форуму ў Давосе - калі арганізатары не зменяць сваёй пазіцыі. Пастанову пра абмежаванні ў дачыненні да расейцаў, якія трапілі пад санкцыі, Мядзведзеў тады назваў «дзіўнай» і сказаў, што размаўляў на гэтую тэму з прэзідэнтам Швайцарыі, які паабяцаў даведацца пра ўсё.

На мінулым тыдні сітуацыю з Давосам з Дзмітрыем Мядзведзевым абмяркоўваў кіраўнік ВТБ Андрэй Косцін, расказваў адзін з суразмоўцаў The Bell. Урад да апошняга моманту схіляўся да таго, каб байкатаваць форум, казалі дзве крыніцы The Bell. Адная з іх ўдакладняла, што таксама абмяркоўвалася ідэя аб тым, каб адправіць у Давос дэлегацыю на чале з чыноўнікам не вышэйшым за ранг міністра.

ВЭФ на запыт The Bell не адказаў.