Японія зробіць авіяносцы з эсмінцаў і набудзе да 150 знішчальнікаў F-35
3- 18.12.2018, 14:38
- 12,609
Флот краіны ўпершыню пасля Другой сусветнай вайны прыме авіяносцы на ўзбраенне.
Японіі найбліжэйшымі гадамі пераабсталюе два свае верталётаносцы ў авіяносцы і закупіць для іх партыю знішчальнікаў пятага пакалення. Пра гэта са спасылкай на заявы Токіё паведамляе AFP (пераклад - liga.net).
Такім чынам, у Японіі ўпершыню пасля Другой сусветнай вайны з'явяцца авіяносцы. Улады кажуць, што не ідуць насуперак з Канстытуцыяй краіны, якая пасля вайны жорстка абмяжоўвае Японію ў плане ўдарных войскаў і грунтуецца выключна на абароннай стратэгіі.
«Мы забяспечым колькасць і якасць для нашай абароны. Усё, што спатрэбіцца, каб адпавядаць зменлівым умовам сусветнай сістэмы бяспекі», - сказаў галоўны сакратар Кабінета міністраў Японіі Ёсіхідэ Суга.
Зацверджаны сёння пяцігадовы план мадэрнізацыі мяркуе рэкордныя выдаткі на абарону сумай 27,47 трлн енаў (прыкладна $244 млрд, - рэд.) да сакавіка 2024 года.
У плане - мадэрнізацыя двух эсмінцаў класа «Ідзумі» з плоскай палубай, каб яны маглі несці і запускаць знішчальнікі кароткага ўзлёту і вертыкальнай пасадкі - як тыя амерыканскія F-35B:
Цягам 10 гадоў Токіё закупіць 42 такія баявыя машыны: гэта, імаверна, будуць менавіта F-35B. Акрамя таго, за той жа перыяд ВПС Японіі атрымаюць 105 знішчальнікаў у мадыфікацыі F-35A. На гэтыя закупы сыдзе да $9 млрд.