Для Расеі надышоў момант ісціны

Праз санкцыі і падзенне коштаў нафты расейская эканоміка перажывае зацяжны крызіс.

«Аслабла ў сувязі з гэтым і маскоўская біржа», - піша журналіст нямецкага выдання Die Welt (пераклад - inopressa.ru) Эдуард Штайнэр.

«Ізаляцыя краіны праз заходнія санкцыі, працяглы страх перад новымі санкцыямі і структурныя недахопы эканомікі, якая знаходзіцца пад кантролем прыхільнікаў жорсткай палітыкі і якая пакутуе ад зацягвання рэформаў прэзідэнтам Пуціным - усё гэта ўжо доўгі час абцяжарвае тое, што адбываецца на біржы самай вялікай дзяржавы свету, трымае пад ціскам рубель і замінае нацыянальнай эканоміцы», - канстатуе аўтар артыкула.

«Аднак шэф Крамля станоўча ацэньвае эканамічную сітуацыю. Нядаўна на інвестыцыйным форуме ён заявіў, што эканоміка адаптуецца да цяжкасцяў і адчувае сябе ўпэўнена, чаго, аднак, недастаткова для таго, каб істотна павысіць узровень дабрабыту. Першы і трэці пункты сапраўдныя, - заўважае Штайнэр. - А другі, пра ўпэўненасць і стабільнасці, выклікае пытанні».

«Хоць беспрацоўе складае менш за 5%, а інфляцыя, паказваючы гістарычны мінімум, не перавышае 4%, гадавы рост ВУП, імаверна, складзе максімум 1,8%. Такім чынам, пасля рэцэсіі 2015 і 2016 гадоў, звязанай з коштамі нафты і санкцыямі , эканоміка аднаўляецца слаба», - гаворыцца ў артыкуле.

«Акрамя ўнутраных структурных бар'ераў Расея па-ранейшаму пакутуе ад санкцый, - прадаўжае журналіст. - Узмацненне жорсткасці санкцый з красавіка і жніўня і пагрозы новых санкцыяў перашкаджаюць тэрмінова неабходнаму росту. Гэты груз не толькі зноў падганяе інфляцыю, (?) але і прадаўжае ціснуць на рубель, які заставаўся слабым, нягледзячы тое, што да пачатку кастрычніка кошт нафты быў высокім. Пасля анэксіі Крыма рубель страціў да даляра амаль палову свайго кошту».

«Аднак сапраўднай праблемай для расейскага рынка акцый з'яўляецца тое, што 2019 год будзе цяжкім з пункту гледжання макраэканомікі, - адзначае Штайнэр. - Паводле прагнозу НДУ ВШЭ, рост ВУП замарудзіцца да 1,3%. Галоўныя рызыкі палягаюць у пагаршэнні дынамікі экспарту, а таксама, сярод іншага, у павышэнні стаўкі ПДВ з 1 студзеня».

Паводле апытання, праведзенага кампаніяй «БКС», найлепшымі ў дынаміцы каціровак, на думку еўрапейскіх інвестараў, у першым паўгоддзі 2019 года будуць акцыі банкаўскага і нафтагазавага сектараў, паведамляе Die Welt.