Пяскоў зняпраўдзіў словы Лукашэнкі аб генеральным сакратары АДКБ
7- 7.12.2018, 14:42
- 23,550
Дыктатар паспяшаўся і людзей насмяшыў.
Лідары краін АДКБ пакуль не вызначылі пытанне аб кандыдатуры новага генеральнага сакратара Арганізацыі. Пра гэта заявіў журналістам прэс-сакратар прэзідэнта РФ Дзмітрый Пяскоў у каментары словаў Лукашэнкі пра тое, што гэтую пасаду зойме прадстаўнік Беларусі, паведамляе ТАСС.
«Не, пытанне не вызначылася», - сказаў прадстаўнік Крамля. Ён дадаў, што гэтая тэма закраналася лідарамі краін - удзельніц арганізацыі ў Санкт-Пецярбургу ў чацвер, дзе прайшлі саміты ЕАЭС і СНД.
Са слоў Пяскова, Лукашэнка ініцыятыўна закрануў гэтае пытанне на саміце ЕАЭС, хоць яно і не ўваходзіла ў парадак дня. «Гэта цалкам нармальная практыка: кожны кіраўнік дзяржавы можа закранаць пытанні, якія ён уважае за патрэбныя», - заўважыў прадстаўнік Крамля. Аднак, з ягоных слоў, на той момант за сталом перамоваў прысутнічалі не ўсе лідары краін АДКБ. Размова з імі на гэтую тэму была прадоўжаная пазней на саміце СНД.
«Праца будзе прадоўжаная», - рэзюмаваў Пяскоў.
Пра тое, што пытанне з кандыдатурай генеральнага сакратара АДКБ застаецца адкрытым, напярэдадні паведамілі і ў Ерэване.
Нагадаем, Лукашэнка ў чацвер, пасля пасяджэння Вышэйшага еўразійскага эканамічнага савета ў Санкт-Пецярбургу, заявіў, што бакам удалося прыйсці да кансенсусу ў гэтым пытанні і новым генсекам стане прадстаўнік Беларусі.