Топ-5 рэчаў, якія трэба паспець зрабіць да Новага года
2- 7.12.2018, 17:06
- 13,888
Парады, каб свята прайшло «на ўра».
Час ужо рыхтавацца сустракаць 2019-ы! Наступны год паводле ўсходняга гараскопу стане годам Свінні - дванаццатым па ліку знакам задыяку, які спрадвеку ўважаўся за паказчык гонару і годнасці. 2019 годам будзе запраўляць Жоўтая Земляная Свіння, піша «Вечерний Бобруйск».
Афіцыйна яе праўленне пачынаецца з 5 лютага. Але ў навагоднюю ноч трэба будзе ладна задобрыць новага апекуна.
1. Упрыгожце дом і офіс, выкіньце хлам
Перад Новым годам трэба правесці ў доме і на працы генеральную прыборку. Бо гэта ўсяго толькі міф, што Свіння любіць бруд. Насамрэч яна любіць чысціню і парадак, а ў гразі валяецца дзеля гігіены. Выкіньце з дому ўвесь посуд з расколінамі і сколамі, інакш не відаць вам у год Свінні прыбытку.
Памятаеце, што Земляная Свіння любіць усё мяккае, натуральнае - плюш, гліну, жывыя элементы дэкору. Таму ўпрыгожыць памяшканне можна букетамі з жывых кветак, галінкамі хвоі і елкі, драўлянымі вырабамі. Пакласці жывую галінку можна нават у цэнтр стала ў рэстарацыі, калі вы адзначаеце свята там. А лепш за ўсё вазьміце з сабой у кішэню каштаны або жалуды, каб «пачаставаць» заступніка 2019 года.
Каб у сям'і не было канфліктаў, упрыгожце ялінку мноствам рознакаляровых круглых цацак. Дарэчы, ялінка пажаданая жывая. А калі пасадзіце яе ў гаршчок, то ў 2019 годзе грошай у вас будзе поўны мех.
2. Набудзьце падарункі
Падарунак павінен быць нечаканым і інтрыгуючым - свінні любяць капаць зямлю ў пошуках чаго-небудзь смачнага або цікавага.
Свіння ў многіх асацыюецца са скарбонкай для грошай. Лагічна падарыць аксесуар, які будзе асацыявацца са зберажэннямі - тую ж скарбонку, партманэт або сумку.
Можна набыць у падарунак штучкі, на якіх намаляваная сімпатычная свінка. І не ўздумайце эканоміць на прэзенце. Земляная Свіння любіць рэчы практычныя, якасныя і прыгожыя.
3. Паклапаціцеся пра грошы
Ні ў якім разе нельга сустракаць новы год з пустым партманэтам. Напоўніце грашыма нават кішэні, трымайце іх у руках. І абавязкова вярніце перад новым годам усе пазыкі. Інакш вашы запазычанасці прымножацца. І не пазычайце нават маленькія сумы 1 студзеня.
4. Збярыце кампанію для свята
Свіння любіць шумную кампанію і зусім не супраць выхадаў «у свет». Бо яна абавязкова павінна вызначацца на фоне астатніх. Грошы Свіння марнуе без меры - абсалютна неэканомная. Але затое шчодрая.
Чым больш прыемных людзей вакол - тым лепш сябе адчувае Свіння.
5. Прыдумайце вобраз
Земляная Свіння любіць далікатныя і мяккія адценні. Выбірайце ружовыя, персікавыя, цёпла-карычневыя, зялёныя, аранжавыя, жоўтыя адценні.
Лепш, калі гэта будзе яркі, дарагі, эксклюзіўны ўбор, ні разу не надзеты.
Упрыгожвання могуць быць як каштоўныя (смарагды, жэмчуг), так і дарагая біжутэрыя. Выбірайце тое, што вам падабаецца, бо галоўнае для Свінні - пазітыўны настрой!