Балтыйская ліга: Менскі СКА узяў верх над фінскім «Рыіхімякі»

Гэта чацвёртая перамога беларускай каманды ў групе «А».

Менскі СКА атрымаў перамогу над "Рыіхімякі" ў выязным матчы Балтыйскай лігі - 31:28, піша pressball.by.

Гэта чацвёртая перамога армейскай каманды ў групе "А". У сярэдзіне тайма армейцы вялі ў ліку "+7" і толькі ў канцоўцы збавілі абароты, дазволіўшы спаборніку наблізіцца ў ліку.

РЫІХІМЯКІ - СКА - 28:31 (13:15)

СКА: Гірык (7), Броўка (4), Нікуленкаў (4), Рабушка (4), Крывенка (3), Вайлупаў(3), Алёхін (2), Хмялькоў (1), Жыла (1), Ушал (1 ), Хадкевіч (1).

Турнірнае становішча групы "А": ЗТР - 10 балаў (6 матчаў), СКА - 8 (5), Драгунас - 6 (4), Рыіхімякі - 2 (3), Пылва - 2 (4), Кехра - 0 (6) .

Наступны матч у Балтыйскай лізе для СКА адбудзецца 18 студзеня. Спаборнік - літоўскі "Драгунас".