The New York Times пачне выкарыстоўваць дапоўненую рэальнасць у сваіх матэрыялах
- 11.02.2018, 16:58
- 9,129
Карыстальнікі змогуць з дапамогай смартфона праглядаць рэалістычныя трохмерныя ілюстрацыі да матэрыялаў.
Кіраўніцтва The New York Times мае намер выкарыстоўваць тэхналогію дапоўненай рэальнасці ў сваіх матэрыялах, піша glavnoe.ua.
Карыстальнікі змогуць з дапамогай смартфона праглядаць рэалістычныя трохмерныя ілюстрацыі да матэрыялаў. Гэта дасць магчымасць перайсці да новага досведу ўспрымання гісторый, расказаных журналістамі The New York Times.
Augmented Reality: How the New York Times will Bring the News Into Your Home @nytimes #AR #augmentedreality https://t.co/mqp5uX7ug6 pic.twitter.com/oQ7ILLPCA9
— TTU iCube (@ttuicube) 2 февраля 2018 г.
«Камера смартфона будзе здольная адкрыць для чытачоў акно ў новы свет, дзе аб'екты з нашых артыкулаў змогуць ажываць проста ў вашай спальні. Гісторыі, якія апісваюць наша жыццё, могуць апынуцца проста перад вамі», - адзначылі ў выданні.
Для нагляднасці The New York Times размясціла ў сваім матэрыяле прыклад таго, як можна выкарыстоўваць тэхналогію дапоўненай рэальнасці: публікацыю неабходна адкрыць у мабільным дадатку The New York Times.