Генерал ЗША: Javelin узмоцняць пазіцыі Украіны

Бэн Ходжэс заявіў, што гэтыя ракеты будуць пастаўленыя ва Украіну найбліжэйшым часам.

Бэн Ходжэс нагадаў, што ва Украіне ёсць магутная абаронная індустрыя, якая здольная вырабляць якасныя супрацьтанкавыя комплексы.

Выдаванне Украіне процітанкавых ракетных комплексаў Javelin узмоцніць пазіцыі Кіева на перамовах урэгулявання канфлікту на Данбасе, але ўкраінская абаронная прамысловасць і сама здольная вырабляць такія ракеты, паведамляе DW.

Пра гэта заявіў экс-камандуючы ўзброенымі сіламі ЗША ў Еўропе, стратэг Цэнтра Еўрапейскага палітычнага аналізу Бэн Ходжэс.

«Ва Украіне ёсць магутная абаронная індустрыя, якая здольная вырабляць якасныя супрацьтанкавыя комплексы, таму я раю старанна да яе прыгледзецца. Гэта не завоблачнай складанасці тэхналогія, чаму б Украіне не вырабляць уласныя сістэмы?», - падкрэсліў амерыканскі генерал.

Пры гэтым Ходжэс назваў Javelin «найлепшымі ў свеце» і дадаў, што гэтыя ракеты будуць пастаўленыя Украіне «у хуткім часе».

Ён адзначыў, што «Вашынгтон зацікаўлены ў тым, каб спыніць гвалт на Данбасе, але не так, каб захаваць за Расеяй яе дасягненні на гэтай тэрыторыі».

Што тычыцца магчымай міратворчай місіі ААН у рэгіёне, Ходжэс падкрэсліў, што «ключ - у тым, каб кантынгент быў надзейным, таму мы павінны падабраць краіны, прафесійныя, здольныя, моцныя, якія нельга адсунуць у бок».

Амерыканскі генерал мяркуе, што гаворка можа ісці пра краіны, якія не ўваходзяць у NATO, напрыклад Швецыя або Фінляндыя. Але мандат місіі павінен дакладна апісваць правілы пераходу да баявых дзеянняў, іерархію камандавання і задачы.

На гэтым тыдні міністр абароны Украіны Сцяпан Палтарак заявіў, што СТРК Javelin з'явяцца ва Украіне, калі гэта будзе неабходна. На думку Палтарака, ЗША паставяць комплексы ўжо сёлета.

Раней паведамлялася, што ў праекце бюджэту ЗША на 2019 г. прадугледжанае выдзяленне Украіне $200 млн для ўзмацнення бяспекі і абароны.