23 верасня 2018, Нядзеля, 10:29
Нам патрэбна ваша дапамога
Рубрыкі

Крыптавалюты наважылі прывязаць да рэальнага золата

10

Аўтары праекта Lightcash хочуць зрабіць курс біткойна больш устойлівым.

Валацільнасць крыптавалют з'яўляецца галоўным фактарам, які перашкаджае іх больш хуткаму распаўсюду. У сярэдзіне снежня 2017 года біткойн каштаваў рэкордныя $20 тысяч, а ў пачатку лютага яго кошт апускаўся ніжэй за $7 тысяч, капіталізацыя ж рынку крыптавалют крыху больш чым за месяц знізілася на $500 мільярдаў, піша rb.ru.

Такія маштабныя ваганні падрываюць давер інвестараў і патэнцыйных карыстальнікаў крыптавалют. Мала хто хоча ўкладвацца ў такі нестабільны актыў, а выкарыстоўваць яго для разлікаў у рэальным жыцці нязручна - бізнэсу і яго кліентам цяжка весці разлікі ў крыптавалюце, кошт якой стала змяняецца. У выніку электронныя грошы становяцца вузкаспецыялізаваным спекулятыўным інструментам і не больш за тое.

Развязаць гэтую праблему і напоўніцу скарыстацца перавагамі тэхналогіі блокчэйн, якая ляжыць у аснове крыптавалют, можна з дапамогай стварэння іх сувязі з рэальным запатрабаваным актывам. Менавіта гэтым шляхам ідзе праект сістэмы для абмену і працы з крыптавалютай і фіятнымі грашыма Lightcash - яго ўнутраная валюта забяспечаная золатам, здабываецца на расейскіх радовішчах.

«Матчына кампанія праекта Lightcash ужо сёння валодае золатаздабывальным прадпрыемствам у Амурскай вобласці, а таксама заводам для ўзбагачэння каштоўнага металу, і валодае неабходнымі дзяржаўнымі ліцэнзіямі, - каментуе кіраўнік праекта Вячаслаў Вокін. - Для забеспячэння стабільнай працы сэрвісу будзе ажыццёўлены выпуск уласнай нізкавалацільнай крыптавалюты Lightcash Crypto Gold (LCSH) - яе стабільнасць дасягаецца за кошт прывязкі манеты да золата ў суадносінах 1000:1».

На пачатак сакавіка намечанае ICO праекта Lightcash. Мэта размяшчэння токенаў - прыцягнуць сродкі для куплі новага радовішча руднага золата ў Рэспубліцы Бураціі. Гэта дазволіць цалкам загрузіць існыя магутнасці абагачальнага завода.

Продаж унутранай крыптавалюты LCSH намечаны на травень 2018 года, а ўжо летам будзе закрытая ўгода для набыцця новага радовішча золата і пачатак работ на ім.