Колькі беларусы кампенсуюць выдаткаў на паслугі ЖКГ у сакавіку
9- 21.02.2018, 15:23
- 16,462
Стала вядома, які адсотак выдаткаў на «камуналку» жыхары кампенсуюць, калі пачнуць плаціць паводле новых тарыфаў.
У сакавіку гарадзенцы будуць кампенсаваць больш за 90% выдаткаў на чатыры камунальныя паслугі - вываз смецця, тэхабслугоўванне ліфта, ТА дома і ваду, піша «Вечерний Гродно».
Журналісты наважылі даведацца, які адсотак выдаткаў на паслугі ЖКГ жыхары кампенсуюць, калі пачнуць плаціць паводле новых тарыфаў. З іхніх падлікаў, найбольш кампенсуюць вываз смецця - 93,9%, далей ідуць тэхабслугоўванне ліфта (93,3%) і тэхабслугоўванне дома (93,2%).
Крыху больш за 90% гарадзенцы аплацяць водазабеспячэнне. Менш за ўсё кампенсуюць ацяпленне - толькі пятую частку выдаткаў (20,8%).
Які адсоткак выдаткаў кампенсуюць гарадзенцы ў сакавіку паводле новых тарыфаў
Даведка
Новыя тарыфы на жыллёва-камунальныя паслугі ўстаноўленыя пастанова Гарадзенскага аблвыканкама №5 ад 8 студзеня 2018 года. Паводле іх гарадзенцы пачнуць плаціць ужо ў сакавіку.