Завінавачанасці менчукоў за «камуналку» вылічаюцца мільёнамі

Рост запазычанасці звязаны з неаплачанымі рахункамі.

На 1 лютага 2018 года ўласнікі і наймальнікі кватэр у дамах, якія знаходзяцца на тэхнічным абслугоўванні прадпрыемстваў ЖКГ раёнаў, а таксама домаўладальнікі прыватнага сектара запазычылі за жыллёва-камунальныя паслугі і карыстанне жылымі памяшканнямі 5,6 млн рублёў, паведамілі карэспандэнту агенцтва «Минск- Новости» ў філіяле «Адзіны разлікова-даведачны цэнтр Менска» КУП «Цэнтр інфармацыйных тэхналогій Менгарвыканкама».

Пратэрмінаванымі былі 44 034 асабовыя рахункі (а/р), што складае 6,4% ад іх агульнай колькасці. У катэгорыі неплатнікаў 38 487 уласнікі і 5 547 наймальнікаў.

Пры гэтым 85% завінавачанах, якія з'яўляюцца ўладальнікамі 37 240 а/р, не аплачвалі рахункі тэрмінам да 3 месяцаў і запазычыліся да 2,5 млн рублёў (45% ад агульнай сумы); запазычанасць ад 3 да 6 месяцаў ёсць у 2 100 а/р на суму 470,6 тысяч рублёў (8%); ад 6 месяцаў і больш - па 4 694 а/р на суму 2,6 млн рублёў (47%).

За апошнія тры месяцы сума запазычанасці за камунальныя выплаты павялічылася на 800 тысяч рублёў: паводле стану на 1 лістапада 2017 года яна складала 4,8 мільёнаў рублёў.

- Рост запазычанасці звязаны з неаплачанымі рахункамі, у якім выніковая сума ўзрасла са з'яўленнем самай дарагой паслугі за ацяпленне. У жылфондзе сталіцы ацяпленне пачалі уключаць з 9 кастрычніка, а адпаведная графа з'явілася ў рахунках, якія менчукі атрымалі пасля 15 лістапада мінулага года, - патлумачыла галоўная спецыялістка адзінага РДЦ Менска Эла Лазарава.

Разам з тым у адзіным РДЦ адзначаюць і станоўчы аспект. За названы трохмесячны перыяд асабовых рахункаў стала больш на 2 046, у асноўным за кошт уведзеных у эксплуатацыю новабудоўляў, пры гэтым колькасць пратэрмінаваных а/р скарацілася на 1 533.