Эрдаган абвясціў пра хуткі наступ турэцкіх войскаў на горад Афрын

Цяпер турэцкія вайскоўцы прасоўваюцца ўглыб сірыйскага рэгіёну Афрын.

Турэцкае войска неўзабаве пачне наступ на сірыйскі горад Афрын, заявіў прэзідэнт Турцыі Раджэп Тайіп Эрдаган на сустрэчы з аднапартыйцамі ў горадзе Бітліс.

Цяпер турэцкія вайскоўцы прасоўваюцца ўглыб сірыйскага рэгіёну Афрын, адміністрацыйным цэнтрам якога з'яўляецца аднайменны горад. «Горы (рэгіёну.- рэд.) Афрына крок за крокам вызваляюць ад тэрарыстаў нашыя жаўнеры. Войскі рухаюцца наперад у бок (города.- рэд.) Афрына, засталося нядоўга», - сказаў Эрдаган, піша unian.net.

Аперацыя «Аліўкавая галіна», якую Турцыя пачала 22 студзеня супраць курдскіх падраздзяленняў на поўначы Сірыі, перарастае ў доўгатэрміновую кампанію. На змену абяцанням закончыць сілавую акцыю «у самыя кароткія тэрміны» прыйшлі заявы пра тое, што Анкара не мае намеру абмяжоўваць сябе часовымі рамкамі. Як раней заявіў прэзідэнт Турцыі, з пачатку аперацыі ў Афрыне знішчаныя ўжо 800 тэрарыстаў.