У Сірыі збіты расейскі штурмавік Су-25

Сірыйскія паўстанцы збілі самалёт расейскіх ВКС, пілот захоплены ў палон.

Адная з сірыйскіх груповак, апазіцыйных прэзідэнту Башару Асаду, збіла расейскі штурмавік Су-25 у небе над Сірыяй. Пра гэта ў суботу, 3 лютага, паведаміў кіраўнік Сірыйскай назіральнай рады правоў чалавека (SOHR), якая базуецца ў Лондане, Рамі Абдэль Рахман, паведамляе DW.

"Групоўка паўстанцаў збіла Су-25. Расейскія пілот спусціўся на парашуце і быў узяты ў палон", - заявіў ён. Інфармацыю аб збітым самалёце і палоне пілота агенцтву dpa пацвердзілі і мясцовыя паўстанцы. З іхных слоў, інцыдэнт адбыўся каля горада Маарэт-эн-Нууман.